قىرعىز-تاجىك شەكاراسىندا اتىس ورىن الدى

3037
Adyrna.kz Telegram

باتكەن وبلىسىندا قىرعىز-تاجىك شەكاراسىندا اتىس بولدى، دەپ حابارلايدى "ادىرنا" ۇلتتىق پورتالى 24.kg-گە سىلتەمە جاساپ.

وقيعا 24 شىلدەدە تاڭعى ساعات 10.30-دا باتكەن وبلىسىنىڭ قۇم-مازار اۋماعىندا بولعاندىعى ناقتىلاندى. شەكاراشىلار اتىپ جاتقان بولاتىن.

الدىن الا اقپارات بويىنشا، زارداپ شەككەندەر جوق.

كەيىنىرەك ۇكىمەتتىڭ باتكەن وبلىسىنداعى وكىلەتتى وكىلى ابدىكارىم الىمباەۆ شەكارانىڭ قىرعىز-تاجىك ۋچاسكەسىندە جاعداي تۇراقتالعانىن ايتتى.

ونىڭ ايتۋىنشا، ءدال قازىر شەكارادا جينالعان ەكى ەلدىڭ ازاماتتارى تاراپ كەتتى.

"سوعدى وبلىسىنىڭ گۋبەرناتورى احمادزودا رادجوببامەن كەلىسسوزدەر جۇرگىزىلدى. ەكى جاقتىڭ ازاماتتارى تاراپ كەتەدى دەپ كەلىستىك. سونداي-اق، اۋدان اكىمى مەن شەكارا وكىلدەرى دەڭگەيىندە كەلىسسوزدەر جۇرگىزىلدى. بۇعان دەيىن تاجىكتەر قۇم-مازار اۋماعىندا سەنبىلىك وتكىزگىسى كەلگەن. بۇل ءبىزدىڭ ازاماتتاردىڭ نارازىلىعىن تۋدىردى", - دەدى ابدىكارىم الىمباەۆ.

"ادىرنا" ۇلتتىق پورتالى

پىكىرلەر