ءۇندىستاننىڭ باتىسىنداعى ماحاراشترا شتاتى بيلىگىنىڭ حابارلاۋىنشا، سۋ تاسقىنى مەن كوشكىن تۋدىرعان جاڭبىردان 112 ادام قازا تاپقان. 22 شىلدەدە ماحاد قالاسىنىڭ ماڭىندا كوشكىن بولىپ، 38 ادامنىڭ ءومىرىن قيعان دەپ حابارلايدى "ادىرنا" ۇلتتىق پورتالى "Reuters-كە" سىلتەمە جاساپ.
كوشكىن تالي اۋىلىنىڭ جارتىسىن جەرمەن-جەكسەن ەتكەن. قازىر قۇتقارۋ توپتارى تولاسسىز جاۋعان جاڭبىرعا قاراماستان ىزدەۋ جۇمىستارىن جالعاستىرۋدا.
ءۇندىستاننىڭ باتىس جاعالاۋىنداعى كەيبىر اۋداندارعا كۇنىنە 594 مم جاۋىن-شاشىن تۇسكەن. وسىعان بايلانىستى اۋداندارداعى تۇرعىندار ەۆاكۋاتسيالانىپ جاتىر.
سۋعا تولىپ جاتقان بوگەتتەر شەنەۋنىكتەردىڭ شەشىمىمەن بوساتىلدى. اسكەري-تەڭىز كۇشتەرى مەن ارميا جاعالاۋداعى قۇتقارۋ جۇمىستارىنا كومەك كورسەتۋدە.
ماحاراشترا شتاتىنىڭ ءارتۇرلى ايماقتارىندا بولعان سۋ كوشكىنىنەن 59 ادام كوز جۇمعان. بۇدان باسقا تاعى 15 تۇرعىن اپاتتىڭ قۇربانى بولعان.
ايتا كەتۋ كەرەك، ماۋسىمدىق جاڭبىر ءۇندىستاندا ماۋسىمنان قىركۇيەك ايىنا دەيىن جالعاسادى. جىل سايىن بۇل ەلدە سۋ تاسقىنىنان كوپتەگەن ادامدار قازا بولىپ، حالىق وڭتۇستىك ازياعا جاپپاي قونىس اۋدارادى.
"ادىرنا" ۇلتتىق پورتالى.
