ساراپشىلاردىڭ ايتۋىنشا، كوروناۆيرۋسقا قارسى انتيدەنەلەرگە تەست تاپسىرۋدىڭ ەش قاجەتتىلىگى جوق. سەبەبى ولاردىڭ ناتيجەلەرى سەنىمسىز جانە تەست ادامنىڭ يممۋندىق قورعانىسىنىڭ دەڭگەيى تۋرالى جەتكىلىكتى قورىتىندى جاساۋعا مۇمكىندىك بەرمەيدى دەپ حابارلايدى "ادىرنا" ۇلتتىق پورتالى.
ۆۆس باسىلىمىنىڭ حابارلاۋىنشا، ساراپشىلار مۇنداي تەست تاپسىرۋ اقشانى بوس ىسىراپ ەتۋ دەپ ويلايدى. سەبەبى باستى قاۋىپ مىنادا: مۇنداي سىناقتان وتكەن، اعزاسىندا قورعانىس بار دەپ سەنگەن كوپتەگەن ادامدار شەكتەۋ شارالارىن قاتاڭ ساقتاماي، اقىرىندا ۆيرۋس جۇقتىرىپ الۋى مۇمكىن.
"انتيدەنەلەردىڭ بولۋى - بۇل "كارتينانىڭ" جارتىسى عانا", - دەيدى امەريكا قۇراما شتاتتارىنداعى گوۆارد حيۋز مەديتسينالىق ينستيتۋتى مەن سولتۇستىك -باتىس ۋنيۆەرسيتەتىنىڭ مولەكۋليارلىق بيولوگى كونستانتين اندرەەۆ. — "ادام اعزاسىندا انتيدەنەلەر سىناعى انىقتالمايتىن نەمەسە مەرزىمى ۇزاققا سوزىلاتىن جاسۋشالار بار. سوندىقتان تەست تاپسىرۋ ۆيرۋس جۇقتىرىپ الماۋعا ەشقانداي كەپىل بولمايدى".
ونىڭ ايتۋىنشا، بۇگىندە رەسەيدە كوپ بەلەڭ العان انتيدەنەلەرگە تەست تاپسىرۋدى امەريكا قۇراما شتاتتارىندا ەشكىم جۇرگىزبەيدى.
ال گارۆارد ۋنيۆەرسيتەتىنىڭ دەنساۋلىق ساقتاۋ مەكتەبىنىڭ پروفەسسورى ۆيشا ۆيسۆاناتتىڭ ايتۋىنشا، عىلىمي تۇرعىدان قاراساق، كوروناۆيرۋسقا قارسى انتيدەنەلەرگە تەست تاپسىرۋدىڭ ەش ءمانى جوق. "ودان دا ەڭ دۇرىسى، تەزىرەك بارىپ، ۆيرۋسقا قارسى ەكپە الۋ", — دەيدى ول.
"ادىرنا" ۇلتتىق پورتالى.
