تۇركيادا قۇلاعان رەسەيلىك "بە-200" ۇشاعى اپاتىنان امان قالعاندار جوق دەپ حابارلادى رەسەيدىڭ قورعانىس مينيسترلىگى. بۇل جايلى "ريا نوۆوستي" جازدى دەپ حابارلايدى "ادىرنا" ۇلتتىق پورتالى.
ۇشاق بورتىندا بەس رەسەيلىك اسكەري قىزمەتشى مەن ەكيپاجعا ءورت ءسوندىرۋ وشاقتارىن كورسەتكەن تۇركيالىق ماماندار بولعان. ولار - تۇركيانىڭ ورمان شارۋاشىلىعى مينيسترلىگىنىڭ ءۇش وكىلى.
رەسەي فەدەراتسياسىنىڭ اسكەري ۆەدومستۆوسىنىڭ مالىمەتىنشە، ۇشاق ءورت وشاقتارىن ءسوندىرۋ تاپسىرماسىن ورىنداعاننان كەيىن قونۋعا ارەكەت جاساعان كەزدە شامامەن ساعات 15.00-دە قۇلاعان.
باق-تىڭ مالىمەتىنشە، ءورتتى ءسوندىرۋ باستالعاندا ءبىراز ۋاقىتتان كەيىن ۇشاقپەن بايلانىس ۇزىلگەن. ول مۋگلا پروۆينتسياسىنداعى ءورتتى سوندىرۋگە قاتىسقان ۇشاقتاردىڭ ءبىرى ەدى. رەسەيدە جالعا الىنعان. الدىن الا مالىمەتتەر بويىنشا، ۇشاق سۋ العاننان كەيىن قاجەتتى بيىككە جەتە الماي، جارتاسقا قۇلاعان.
تۇركيا سىرتقى ىستەر ءمينيسترى باسشىسى مەۆليۋت چاۆۋشوعلۋ اتالعان وقيعاعا بايلانىستى رەسەي مەن تۇركيا حالقىنا كوڭىل ايتتى.
"كاحرامانماراشتاعى ءورتتى ءسوندىرۋ كەزىندە بولعان ۇشاق اپاتىندا تۇرىك جانە ورىس ەكيپاجىنىڭ قازا بولعانى تۋرالى حابارعا قاتتى قايعىردىق. تۇرىك جانە ورىس حالقىنا كوڭىل ايتامىز. قازا تاپقانداردىڭ ەرلىگى ۇمىتىلمايدى",- دەپ جازدى مينيستر Twitter-دە.
تۇركيا اۋە كۇشتەرى بە-200 ءورت ءسوندىرۋشىسى قۇلاعان جەرگە ىزدەستىرۋ-قۇتقارۋ وپەراتسياسىن جۇرگىزۋ ءۇشىن ۇشاق پەن تىكۇشاق جىبەردى. سونداي-اق، اپات ورنىنا رەسەي قورعانىس مينيسترلىگىنىڭ كوميسسياسى مەن انكاراداعى رەسەي ەلشىلىگىنىڭ وكىلدەرى اتتانعان.
ايتا كەتۋ كەرەك، اتالعان ۇشاقتا رەسەيلىك تانىمال ۇشقىش ەۆگەني كۋزنەتسوۆ بولعان. ول 2014 جىلى قىرىمدا بولعان وقيعاعا بايلانىستى تۇسىرىلگەن دەرەكتى فيلمدە باس كەيىپكەر بولعان.
"ادىرنا" ۇلتتىق پورتالى.
