جارىمجان بالالاردى بايلاپ، قىسىم كورسەتكەندەر جاۋاپسىز قالمايدى. كەشە ەفيردەن كورسەتكەن ماتەريالعا بايلانىستى قۇزىرلى ورگاندار تەكسەرىس باستادى. اتىراۋدا مۇمكىندىگى شەكتەۋلى بالالاردى ازاپتاعان ارنايى ورتالىقتىڭ باسشىسىنا قاتاڭ سوگىس جاريالانسا، تاربيەشىلەرگە قاتىستى تەرگەۋ جۇرگىزىلۋدە.
بۇل تۋرالى «ەۋرازيا» ءبىرىنشى ارناسى حابارلايدى.
الفيا تورەعاليەۆا، اتىراۋ وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى:
"قاتاڭ سوگىس بەرىلدى. ويتكەنى ءوزىنىڭ لاۋازىمدىق مىندەتتەرىن جاۋاپكەرشىلىكپەن ورىنداماعانى ءۇشىن. قازىرگى تاڭدا وسى ۆيدەوعا بايلانىستى اتىراۋ وبلىسىنىڭ تەرگەۋ جۇمىستارى ءجۇرىپ جاتىر".
مەيىرىم ەرداۋلەت - اتىراۋ وبلىسى پوليتسيا دەپارتامەنتىنىڭ ءباسپاسوز حاتشىسى:
"ينتەرناتتاعى بالالاردى ازاپتاۋ ياعني ولاردى بايلاپ ۇستاۋ جونىندەگى ۆيدەوعا بايلانىستى 31 شىلدەدەن باستاپ قىلمىستىق كودەكستىڭ 110 بابى بويىنشا سوتقا دەيىنگى تەرگەۋ امالدارى باستالدى. الايدا قازىرگى تاڭدا قىلمىستىق ىسكە كۇدىكتى رەتىندە تانىلعان 2 تاربيەشىسى كورونوۆيرۋستىڭ ينفەكتسيامەن اۋىرىپ جاتقاندىقتان، ولار ەم الىپ جاتقاندىقتان ءسال توقتاپ تۇر".
ەستەرىڭىزگە سالساق، اتىراۋداعى ارنايى ورتالىق قىزمەتكەرلەرى مۇمكىندىگى شەكتەۋلى بالالاردىڭ اياق-قولىن بايلاپ، قىسىم كورسەتىپ جاتقان ۆيدەو الەۋمەتتىك جەلىدە تارادى. انىقتالعانداي جانتۇرشىگەرلىك كادردى ارنايى الەۋمەتتىك مەكەمەنىڭ بۇرىنعى قىزمەتكەرى تۇسىرگەن. دەسەك تە، ارنايى ورتالىق باسشىسى تاربيەشىلەر مۇنداي قاتىگەزدىككە بارمايتىنىن ايتىپ، كەرىسىنشە بۇرىنعى قىزمەتكەردى ايىپتاپ وتىر.
گۇلجان قازيەۆا - №3 ارناۋلى قىزمەتتەر كورسەتۋ ورتالىعىنىڭ باسشىسى:
ء"بىزدىڭ ورتالىقتا ۇرلىق فاكتىسى ورىن الدى. كەيىننەن ۇلبيكەنىڭ بۇعان قاتىسى بارىن ەكەنىن ۆيدەودان كورىپ، انىقتاپ. ءىىش باسقارماسىنا تالاپ، ارىزدارىمىزدى بەردىك. كەيىننەن بۇل ءىس بويىنشا سىبايلاس جەمقورلىققا قارسى دەپارتامەنتىمەن تەرگەپ، تەكسەرىپ، قازىر پروكۋراتۋراعا جولداندى".
