اتىراۋدا تەندەر ۇتىپ العان كاسىپكەردەن جەتى ميلليون تەڭگە بوپسالادى دەگەن كۇدىكتىلەر ۇستالدى. ارنايى وپەراتسيانى پوليتسەيلەر حالىقارالىق پروكۋراتۋرا جانىنداعى وبلىستىق ۇلتتىق قاۋىپسىزدىك دەپارتامەنتىمەن بىرلەسىپ جۇرگىزدى، دەپ حابارلايدى “ادىرنا” ۇلتتىق پورتالى.
جابىرلەنۋشىدەن ميلليون تەڭگە العان 34 جانە 35 جاستاعى ەكى كۇدىكتى ۇستالدى. ءىس ماتەريالدارىنا سايكەس، وتكەن جىلدىڭ قازان ايىنان بەرى ەر ادامنان 4,5 ميلليون تەڭگە الىنعان.
«قازىرگى ۋاقىتتا جەكە تۇلعالار توبىنىڭ ءىرى كولەمدە بوپسالاۋ دەرەگى بويىنشا قىلمىستىق ءىس قوزعالدى»، - دەپ حابارلادى پوليتسيا.
بۇعان دەيىن 2023 جىلدىڭ جەلتوقسان ايىندا اتىراۋدا جاسالعان ارنايى وپەراتسيا كەزىندە تارتىپ ساقشىلارى جەكە كاسىپكەرلەردەن 10 ميلليون تەڭگە تالاپ ەتكەن بوپسالاۋشىلاردى ۇستاعان.
“ادىرنا” ۇلتتىق پورتالى
