قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى وبلىسى بويىنشا دەپارتامەنتى ءبىلىم بەرۋ مەكەمەلەرىندە اقشا جيناۋ فاكتىسى بولعان جاعدايدا 1424 Call-ورتالىعىنا حابارلاسۋدى سۇرايدى.
جاڭا وقۋ جىلىنىڭ جاقىنداپ قالۋىنا بايلانىستى مەكتەپتەر مەن بالاباقشالاردا اتا-انالاردان نەمەسە قىزمەتكەرلەردەن اقشالاي قاراجات جيناۋ ماسەلەسى وزەكتى بولىپ وتىر. سوندىقتان بارلىق ازاماتتاردىڭ بۇل مالىمەتتەن حاباردار بولۋى وتە ماڭىزدى.ءبىلىم بەرۋ مەكەمەلەرىندە اقشالاي قاراجات جيناۋ زاڭمەن تىيىم سالىنعانىن ەسكە سالا كەتەيىك. سول سەبەپتى، اتا-انالاردان نەمەسە قىزمەتكەرلەردەن اقشا جيناۋ، سونداي-اق باسقا دا جەمقورلىق فاكتىلەرى ورىن السا، 1424 Call-ورتالىعىنىڭ تەلەفونىنا حابارلاسۋ كەرەك. ازاماتتاردىڭ بارلىق وتىنىشتەرى مىندەتتى تۇردە قارالىپ، قاجەتتى شارالار قولدانىلادى.سونداي-اق، شاعىمدانۋشىنىڭ ءبىلىم بەرۋ مەكەمەلەرىندەگى جەمقورلىق فاكتىسى بويىنشا الەۋمەتتىك جەلى ارقىلى دەپارتامەنتتىڭ جەكە اككاۋنتتارىنا (@anticorruption.almatyoblysy) تىكەلەي جۇگىنە الاتىنىن اتاپ وتەمىز. قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى وبلىسى بويىنشا دەپارتامەنتى
