مەملەكەت باسشىسى نۇرسۇلتان نازارباەۆ دجوردج كرولدىڭ قازاقستان رەسپۋبليكاسى مەن اقش اراسىنداعى ەكىجاقتى قارىم-قاتىناستى دامىتۋدا ەرەكشە ءرول اتقاراتىنىن ايتىپ، بۇگىنگى كەزدەسۋ قازاقستان پرەزيدەنتىنىڭ امەريكا قۇراما شتاتتارىنا رەسمي ساپارى قارساڭىندا ءوتىپ جاتقانىن اتاپ ءوتتى.
– 26 جىل ىشىندە ءبىزدىڭ ەلدەرىمىز اراسىندا ءوزارا دوستىق قارىم-قاتىناس ورناپ، 70-تەن استام مەملەكەتارالىق، ۇكىمەتارالىق جانە ۆەدومستۆوارالىق كەلىسىمگە قول قويىلدى، – دەدى نۇرسۇلتان نازارباەۆ.
كەزدەسۋ بارىسىندا مەملەكەت باسشىسى اقش پرەزيدەنتى د.ترامپپەن بىرگە ستراتەگيالىق سەرىكتەستىكتىڭ باسىم باعىتتارىندا، سونىڭ ىشىندە تەرروريزمگە قارسى كۇرەس جۇرگىزۋ، يادرولىق قارۋدى تاراتپاۋ رەجىمىن نىعايتۋ سالاسىندا، سونداي-اق ساۋدا-ەكونوميكالىق جانە ينۆەستيتسيالىق ىنتىماقتاستىق اياسىن ودان ءارى كەڭەيتۋ باعىتىندا قول جەتكىزىلگەن ۋاعدالاستىقتاردىڭ ماڭىزدىلىعىن ايتتى.
– قازاقستاندا امەريكا كاپيتالىنىڭ قاتىسۋىمەن 500-گە جۋىق كومپانيا جۇمىس ىستەيدى، سولاردىڭ 140-تان استامى – بىرلەسكەن كاسىپورىندار. ولار تاۋار ءوندىرىپ، ونىمدەرىن باسقا ەلدەرگە ەكسپورتتاۋمەن اينالىسادى، – دەدى قازاقستان پرەزيدەنتى.
دجوردج كرول قازاقستان رەسپۋبليكاسىنداعى ديپلوماتيالىق قىزمەتىنە جوعارى باعا بەرگەنى ءۇشىن نۇرسۇلتان نازارباەۆقا العىس ايتىپ، قازاقستان پرەزيدەنتىنىڭ الداعى ساپارى ەكى مەملەكەت اراسىنداعى بايلانىستى ودان ءارى نىعايتا تۇسەتىنىنە سەنىم ءبىلدىردى.
اقوردا
