بۇگىن مەملەكەت باسشىسى قاسىم-جومارت توقاەۆ حالىققا جىل سايىنعى جولداۋ كەزىندە ەكپە الۋعا قارسى ۇگىتتەپ جۇرگەندەردىڭ جەتەگىندە كەتپەۋ قاجەتتىگىن اتاپ ءوتتى، دەپ حابارلايدى "ادىرنا" ۇلتتىق پورتالى.
- ەلىمىزدە جاپپاي ەكپە سالىنىپ جاتقانىمەن، قوعامدا وعان قارسى ادامدار ءالى دە كوپ. ولار وزدەرى باس تارتىپ قانا قويماي، حالىقتى كەرى ۇگىتتەۋدە. سونىڭ كەسىرىنەن قانشاما جۇرتتى اداستىرادى. مۇنداي ادامدار وزدەرىنىڭ عانا ەمەس، وزگەنىڭ ءومىرى ءۇشىن دە جاۋاپ بەرەتىنىن تۇسىنۋگە ءتيىس. سوندىقتان ەكپە الۋعا قارسى ۇگىتتەپ جۇرگەندەردىڭ جەتەگىندە كەتپەگەن ءجون، - دەپ مالىمدەدى پرەزيدەنت.وسى ورايدا مەملەكەت باسشىسى ۆاكتسينا تابىلعاننان كەيىن قاۋىپتى دەرتتەرگە توسقاۋىل قويىلعانىن ەسكە سالدى.
- الداعى ۋاقىتتا الەمدە كوروناۆيرۋستىڭ جاڭا شتامدارى شىعۋى مۇمكىن. ساراپشىلار باسقا دا ىندەتتەر پايدا بولاتىندىعىن ايتۋدا. ءبىز ونىڭ قاشان بولاتىندىعىن كۇتىپ قاراپ وتىرا المايمىز. وسىنداي جاعدايدا ءومىر سۇرۋگە، ءارى قاراي دامۋعا بەيىمدەلۋىمىز كەرەك. قازىر بىزگە قاجەتتى ۆاكتسينانى ساتىپ الۋ وتە ماڭىزدى - دەدى توقاەۆ.سونداي-اق، قاسىم-جومارت كەمەلۇلى دۇنيەجۇزىلىك دەنساۋلىق ۇيىمىندا تىركەلگەن ۆاكتسينالاردى تەزىرەك ساتىپ الۋ قاجەتتىگىن، بۇكىل دەنساۋلىق ساقتاۋ سالاسىن تۇراقتى ەكپە الۋ جۇيەسىنە دايىنداعان ءجون ەكەندىگىن اتاپ ءوتتى.
"ادىرنا" ۇلتتىق پورتالى
ۇقساس جاڭالىقتار
