اۋعانستاندى باسىپ العان تالىپتەر "تاليبان" راديكالدى قوزعالىسىنىڭ كوسەمى حيباتۋللا احۋندزادانى تالىپتەر "باس كوسەم" ەتىپ سايلادى. بۇل جايىندا News18 اقپاراتتىق پورتالى حابار تاراتتى.
تالىپتەر قازىرگى بيلىكتى باسقارۋدىڭ تەتىكتەرىن يراندىقتاردان ۇيرەنىپ، كەيبىر رەفورمالاردى تىكەلەي كوشىرىپ جاتىر. مۇندا باس كوسەم مەملەكەتتىڭ ەڭ ءبىرىنشى باسشىسى، ساياسي جانە ءدىني نۇسقاۋشى بولا الادى. "تاليبان" راديكالدى قوزعالىسىنىڭ كوسەمى حيباتۋللا احۋندزادا وسى ۋاقىتقا دەيىن اقپاراتتىق كوزدەرگە سۇحبات بەرمەگەن. اۋعانستاندى تالىپتەر باسىپ العانعا دەيىن "تاليبان" راديكالدى قوزعالىسىنىڭ جەتەكشىسى بولىپ كەلگەن حيباتۋللا احۋندزادا كوپ جاعدايدا اقپاراتتىق كوزدەرگە كورىنبەۋگە تىرىسقان. ال قازىر ول اۋعانستانداعى "تاليبان" راديكالدى قوزعالىسىنىڭ كوسەمى بولىپ سايلاندى.
ال، مەملەكەتتىڭ اتقارۋشى بيلىگى پرەمەر-ءمينيستردىڭ قولىندا بولادى. بۇل پوستقا ابدۋل عاني بارادار تاعايىندالدى. ابدۋل عاني بارادار ساياسي كەڭسەلەردە باسقارۋ جۇمىستارىن دا ىسكە اسىرادى. بۇل شەندىنىڭ دە ءدىني يدەولوگيالىق شەشىمدەر جاساۋعا قۇقى بار.
ال، جوعارى سوتقا ابدۋل حاكيم حاككاني تاعايىندالدى. ول وسى ۋاقىتقا دەيىن حيباتۋللا احۋندزادانىڭ ساياسي كومەكشىسى قىزمەتىن اتقارىپ كەلدى.
بەكبولات قارجان،
"ادىرنا"ۇلتتىق پورتالى
