اعىمداعى جىلدىڭ 06 قىركۇيەك كۇنى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى ل.م. بەيسەقۇلوۆانىڭ توراعالىعىمەن اۋدان، قالا اكىمدىكتەرىنىڭ اپپارات باسشىلارىنىڭ قاتىسۋىمەن "ZOOM" بەينەكونفەرەنتسبايلانىس ارقىلى ونلاين كەڭەس وتكىزىلدى، وندا بىرقاتار وزەكتى ماسەلەلەر تالقىلاندى.
دەپارتامەنت باسشىسى ل.بەيسەقۇلوۆا پرەزيدەنتتىك جاستار كادرلىق رەزەرۆىنە ىرىكتەۋ تۋرالى بايانداما جاسادى، ونىڭ بارىسىندا ىرىكتەۋدىڭ نەگىزگى تالاپتارى، كەزەڭدەرى، سونداي-اق وتىنىمدەردى بەرۋ قالاي جۇزەگە اسىرىلاتىنى تۋرالى ايتىپ، مەملەكەتتىك قىزمەتشىلەردى، سونداي-اق ۆەدومستۆولىق باعىنىستى ۇيىمداردىڭ قىزمەتكەرلەرىن ىرىكتەۋگە قاتىسۋعا شاقىردى.
كۇن تارتىبىندەگى ەكىنشى ماسەلەدە مەملەكتتىك قىزمەتشىلەردىڭ جاڭا لاۋازىمدىق جالاقىسى تۋرالى ايتىلدى. قازىرگى ۋاقىتتا، وبلىستىڭ جەرگىلىكتى اتقارۋشى ورگاندارىمەن مەملەكەتتىك اكىمشىلىك لاۋازىمداردى مەملەكەتتىك ورگاننىڭ ميسسياسىنا، ستراتەگيالىق جوسپارىنا جانە اتقاراتىن فۋنكتسيونالدىق مىندەتتەرىنە بايلانىستى بلوكتارعا ءبولۋ جونىندەگى جۇمىستار قارقىندى اتقارىلۋدا.ءىس-شارا بارىسىندا قويىلعان سۇراقتاردىڭ بارلىعىنا تولىققاندى جاۋاپتار بەرىلدى.
قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتى
