«قيىرداعى قازاقتار» دەرەكتى ءفيلمىنىڭ تيزەرى جارىق كوردى، بۇل تۋرالى Qazcontent اق باسقارما توراعاسى ە.د.كوچەتوۆ ءوزىنىڭ فەيسبۋك پاراقشاسىندا حاباردار ەتتى «سونىمەن، «Qazcontent» اق «قيىرداعى قازاقتار» ءفيلمىنىڭ تيزەرىن نازارلارىڭىزعا ۇسىنادى. «قازاقستان تاريxى» ينتەرنەت-پورتالىنىڭ جەتەكشىسى ولجاس بەركىنباەۆ پەن جوبا ۇجىمى قىرۋار شارۋانى ءبىتىرىپ، مىڭداعان شاقىرىمداردى ارتقا تاستاپ، وزگە ەلدەگى قانداستارىمىزدىڭ تىنىس-تىرشىلىگىن كورسەتكىسى كەلۋدە»، - دەدى ە.كوچەتوۆ. دەرەكتى ءفيلمنىڭ باستى ماقساتى شەتەلدەگى قانداستارىمىزدىڭ تىنىس-تىرشىلىگىن كورسەتۋ. جۋىق ارادا ءفيلمنىڭ ءبىرىنشى سەرياسى جارىققا شىعادى، العاشقى توقتاعان ەل - رەسەي. موڭعوليا قازاقتارى تۋرالى فيلمدە ءتۇسىرىلىم جۇمىستارىن اياقتاپ، مونتاجدالۋ ۇستىندە. فيلم كەلەر جىلى وزبەكستان، تاجىكستان ەلدەرىندە جالعاسىن تابادى دەپ كۇتىلۋدە. ەستەرىڭىزگە سالا كەتەيىك، ۇستىمىزدەگى جىلدىڭ شىلدە ايىندا وكق-دە قر اقپارات جانە كوممۋنيكاتسيالار ءمينيسترى داۋرەن اباەۆتىڭ قاتىسۋىمەن شەتەلدەگى قازاقتاردىڭ تاريxى مەن كۇندەلىكتى ومىرلەرىن كورسەتەتىن اۋقىمدى جوبانىڭ باستالعانىن مالىمدەگەن بريفينگ وتكەن ەدى. سول ۋاقىتتان بەرى الىس-جاقىن شەت ەلدەردە ءتۇسىرىلىم جۇمىستارى جۇرگىزىلدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز