«Qiyrdaǧy qazaqtar» derektı filmınıŋ tizerı jaryq kördı, būl turaly Qazcontent AQ Basqarma töraǧasy E.D.Kochetov özınıŋ feisbuk paraqşasynda habardar ettı «Sonymen, «Qazcontent» AQ «Qiyrdaǧy qazaqtar» filmınıŋ tizerın nazarlaryŋyzǧa ūsynady. «Qazaqstan tarixy» internet-portalynyŋ jetekşısı Oljas Berkınbaev pen joba ūjymy qyruar şaruany bıtırıp, myŋdaǧan şaqyrymdardy artqa tastap, özge eldegı qandastarymyzdyŋ tynys-tırşılıgın körsetkısı kelude», - dedı E.Kochetov. Derektı filmnıŋ basty maqsaty şeteldegı qandastarymyzdyŋ tynys-tırşılıgın körsetu. Juyq arada filmnıŋ bırınşı seriiasy jaryqqa şyǧady, alǧaşqy toqtaǧan el - Resei. Moŋǧoliia qazaqtary turaly filmde tüsırılım jūmystaryn aiaqtap, montajdalu üstınde. Film keler jyly Özbekstan, Täjıkstan elderınde jalǧasyn tabady dep kütılude. Esterıŋızge sala keteiık, üstımızdegı jyldyŋ şılde aiynda OKQ-de QR Aqparat jäne kommunikasiialar ministrı Däuren Abaevtyŋ qatysuymen şeteldegı qazaqtardyŋ tarixy men kündelıktı ömırlerın körsetetın auqymdy jobanyŋ bastalǧanyn mälımdegen brifing ötken edı. Sol uaqyttan berı alys-jaqyn şet elderde tüsırılım jūmystary jürgızıldı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz