"تۇركىمەنستان بيلىگى ەلدە كوروناۆيرۋس جوق دەپ مالىمدەۋدى جالعاستىرۋدا. الايدا، ەگەر ءسىز بالقانابات پەن جەبەل اۋىلىنىڭ اراسىندا ورنالاسقان زيراتتىڭ جەرسەرىكتىك سۋرەتتەرىنە شولۋ جاساساڭىز، بالقان ۆەلاياتىندا ءولىم-ءجىتىم سوڭعى ءبىر جارىم جىل ىشىندە ايتارلىقتاي ءوستى دەپ قورىتىندى جاساۋعا بولادى" دەپ حابارلايدى Turkmen.news تىلشىلەرى.
2019 جىلدىڭ قىركۇيەگىندە زيراتتىڭ تورتتەن ءبىر بولىگى عانا قابىرلەر بولسا، 2020 جىلدىڭ كۇزىندە زيراتتىڭ تەڭ جارتىسىندا جاڭا وابىرلەر پايدا بولعان. ال 2021 جىلدىڭ ماۋسىم ايىندا زيراتتا جەرلەيتىن بوس ورىن قالماعان.
2020 جىلى تاۋەلسىز باق جۋرناليستەرى زيراتتاردىڭ سپۋتنيكتىك سۋرەتتەرىنە سۇيەنە وتىرىپ، تۇركىمەنستاندا كوروناۆيرۋستىڭ تارالۋى تۋرالى قورىتىندى جاساۋعا تىرىستى. بيلىك قازا تاپقانداردىڭ ءبىر زيراتقا جەرلەۋگە تىيىم سالىپ، ءولىم سانىن جاسىرۋعا تىرىستى. الايدا ەلدەگى بارلىق زيراتتاردى جاڭا قابىرلەر سانى كۇن سايىن ارتىپ كەلەدى.
تۇركىمەنستاندا كوروناۆيرۋستىڭ ءبىرىنشى تولقىنى 2020 جىلدىڭ جازىندا، ەكىنشىسى - 2020-2021 جىلدىڭ اياعىنا تاپ كەلدى. 2021 جىلدىڭ جازىندا ءۇشىنشى تولقىن باستالدى، بۇل الدىڭعى ەكەۋىنە قاراعاندا ايتارلىقتاي اۋىر بولدى. اقپارات كوزدەرىنە سۇيەنسەك، قازىر ءاربىر وتباسىندا اۋىرعان جاندار بار. ەلدىڭ ءاربىر ازاماتى تانىستارىنىڭ اراسىندا كەم دەگەندە ءبىر ادامنىڭ ۆيرۋستان كوز جۇمعانىن ايتادى.
جازدىڭ سوڭىندا بيلىك ءار ءتۇرلى سانيتارلىق شەكتەۋلەردى جاڭارتۋعا كوشتى، سونىمەن قاتار ناۋقاستاردى قابىلدايتىن مەديتسينالىق مەكەمەلەردىڭ سانىن كەڭەيتۋگە ءماجبۇر بولدى. احال ۆەلاياتىندا COVID-19 جۇقتىرعاندار چوگانلىداعى جۇقپالى اۋرۋلار اۋرۋحاناسىنا عانا ەمەس، سونىمەن قاتار پرەزيدەنت گۋربانگۋلى بەردىمۇحامەدوۆتىڭ تۋعان اۋىلى ىزگانتاداعى جاڭا اۋرۋحاناعا جاتقىزىلا باستادى. 2020 جىلدىڭ قاراشاسىندا مەملەكەت باسشىسى وسى مەكەمەنى اشقاندا، كوروناۆيرۋس تۇركىمەنستادا جوق دەگەن بولاتىن.
"ادىرنا" ۇلتتىق پورتالى
