مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا «بيزنەستىڭ جول كارتاسى» مەن «قاراپايىم زاتتار ەكونوميكاسى» باعدارلامالارىنىڭ مەرزىمىن 2022 جىلعا دەيىن سوزۋ تۋرالى شەشىم قابىلداپ، بۇل ماقساتقا بولىنەتىن قارجىنىڭ كولەمى كەمىندە 1 ترلن تەڭگە بولاتىنىن ايتقان بولاتىن.
تاۋەلسىزدىكتىڭ 30 جىلدىعىنا وراي شاعىن جانە ورتا كاسىپكەرلىككە كورسەتىلىپ جاتقان وسىنداي قولداۋدىڭ ارقاسىندا بۇگىندە شىمكەنت قالاسىنداعى كاسىپورىندار ءونىم كولەمىن ارتتىرىپ، جاڭا جۇمىس ورىندارىن قۇرىپ وتىر. سولاردىڭ ءبىرى استىق وندىرەتىن «Pioneer Grain Products» جشس-گى. ديىرمەن «پيونەر ەليتنايا»، «پيونەر ستاندارت» ساۋدا بەلگىلەرى بويىنشا ۇننىڭ ءتورت سۇرىپىن وندىرەدى. ءونىم وندىرۋدە جاڭا تەحنولوگيالار مەن قۇرالدار قولدانىلادى.
ەڭ باستىسى، بيداي ۇنىنىڭ قۇرامىندا ناننىڭ قاسيەتىن كەمىتپەيتىن ا دارۋمەنى، تيامين، ريبوفلامين، نيكوتين قىشقىلى جانە تاعى دا سونداي ادام اعزاسىنا پايدالى زاتتار جويىلىپ كەتپەي، تۇتىنۋشىعا جەتەدى.
اتالعان كومپانيا وتكەن جىلى ءوزىنىڭ اينالىم قاراجاتىن تولىقتىرۋ ماقساتىندا «Forte Bank» اق-تان قارجىلاندىرۋعا جۇگىندى. نەسيە «قاراپايىم زاتتار ەكونوميكاسى» باعدارلاماسى بويىنشا جىلدىق 15% -دىق مولشەرلەمەمەن ماقۇلداندى، ونىڭ 9% -ىن «دامۋ» قورى سۋبسيديالادى.
مۇنداي قولداۋ شارالارى قالا ەكونوميكاسىنىڭ وسۋىنە ىقپال ەتىپ، تۇراقتى جۇمىس ورنىنىڭ ساقتالۋىنا سەپتىگىن تيگىزەدى. سونىمەن بىرگە، حالىقتى ۇن ونىمىمەن تۇراقتى قامتاماسىز ەتىپ، باعا تۇراقتىلىعىن ساقتاۋعا مۇمكىندىك بەرەدى.
وسىنىڭ ارقاسىندا زاۋىت ءونىم كولەمىن ارتتىرىپ، تاۋلىگىنە 500 توننا استىق وندىرۋدە. قازىرگى تاڭدا 300 ادامدى تۇراقتى جۇمىسپەن قامتىپ وتىر. ديىرمەندە سولتۇستىك قازاقستان ءوڭىرىنىڭ ديقاندارى وسىرگەن بيداي وڭدەلەدى.
20 جىلدان استام ۋاقىت استىق وندەۋمەن اينالىساتىن كاسىپورىننىڭ دايىن ونىمدەرى - قازاقستان، ورتالىق ازيا، رەسەي، قىتاي مەملەكەتتەرىنە جىبەرىلەدى.
شىمكەنت قالاسىندا مەملەكەتتىك شارالار اياسىندا وتاندىق تاۋاروندىرۋشىلەردى كەڭىنەن قولداۋ جالعاستىرىلاتىن بولادى.
