ەرمەكباەۆتىڭ وتستاۆكاسى قوعامنىڭ تىنىشتىعى ءۇشىن قاجەت بولدى

2144
Adyrna.kz Telegram

ەشتەڭەنىڭ بايىبىنا بارماي، انىعىنا جەتپەي, الەۋمەتتىك جەلىدەگى سانسىز ايتاق سوزدەرگە ەرىپ، ازاماتتاردى قارالاۋ بەلەڭ الىپ كەلەدى. فەيك اقپاراتتىڭ تارالۋ جىلدامدىعى اقيقاتى باسىم، ۋاقىتتىڭ شەشىمىن قاجەت ەتەتىن شىنايى مالىمەتتەردى باسىپ كەتىپ جاتىر. مىنە، ەكس-مينيستر نۇرلان ەرمەكباەۆتىڭ جامبىلداعى جارىلىستان كەيىنگى العاشقى پورترەتى وسىنداي كەلەڭسىزدىكتەردەن قالىپتاستى. راس، 17 ازاماتتان بەيبىت كۇندە ايىرىلۋ وڭاي ەمەس، بىراق ونىڭ سەبەپ سالدارى تەك ءبىر كىسىدە ەمەس ەكەنىن ءبىرازىمىز بىلەمىز.

جارىلىس بولعان ساتتەن-اق وتستاۆكاعا كەتۋىن تالاپ ەتكەن قوعامنىڭ ۇسىنىسى جەردە قالمادى، مينيستر موينىمەن كوتەرىپ، جاعداي تۇراقتالعان سوڭ قىزمەتىمەن قوش ايتىسۋعا دايىن ەكەنىن مالىمدەدى. بىرەر كۇننەن سوڭ پرەزيدەنت ەكس-ءمينيستردىڭ ءوتىنىشىن قابىل الىپ، ونى بۇل قىزمەتتەن بوساتتى.

قوعام قاناعاتتانعانمەن، ساراپشىلار مەن ساياساتكەرلەر ەرمەكباەۆتىڭ بۇل قادامىنا تاڭدانا قارادى. سەبەبى بۇعان دەيىن الەمنىڭ وزگە ەلدەرىندە وق-ءدارى قويمالارىنداعى جارىلىستان كەيىن ەشبىر مينيستر مانسابىن توقتاتپاعان. ءتىپتى تەلەگرامداعى 300 مىڭنان اسا جازىلۋشىسى بار نەزىگار كانالى دا ەرمەكباەۆتىڭ ارەكەتىنە باعا بەرىپ، بۇرىن سوڭدى جارىلىسقا بولا ءبىر ۆەدومستۆونىڭ ءمينيسترى وتستاۆكىگە كەتكەنىن ەستىمەگەنىن جازدى.

«راس، وزگە ەلدە، ماسەلەن، ۋكراينا، چەحيا، رەسەيدە جارىلىس بولدى. بىراق مينيستر ەمەس، وق-ءدارىنىڭ ساقتالۋىنا جاۋاپ بەرەتىن ازاماتتاردان سۇراۋ الىندى. جانە دە مۇنداي كەلەڭسىز وقيعا ىشكى ءتارتىپ بويىنشا تەرگەلىپ، جاۋاپتىلار جازاسىن الاتىن. ال قازاقستاندا بۇل باسقالاي ءوربىدى»,– دەپ جازىلدى تەلەگرام كانالدا.

اككاۋنتىڭ وكىلدەرى نۇرلان ەرمەكباەۆتىڭ بۇل ارەكەتىن الىستى كوزدەۋ دەپ تۇجىرىمدادى. قيىن-قىستاۋ كەزەڭدە جاۋاپكەرشىلىكتەن قاشپايتىنىن كورسەتۋ ارقىلى بيلىكتىڭ سەنىمىنەن شىعا الاتىنىنسەزدىرىپ, تولىقتاي موينىمەن كوتەرە الاتىنىن دالەلدەدى دەيدى.

ال بەلگىلى قوعام قايراتكەرى ەرمۇحامەد ەرتىسباەۆ You Tube-تەگى ارناسىندا جامبىلداعى وقيعاعا باعا بەردى. ول الىپ-قاشپا اڭگىمەلەردى ەمەس، قولجەتىمدى قۇجاتتاردى نەگىزگە الا وتىرىپ، اسكەردەگى مامان-وفيتسەرلەرمەن پىكىرلەسىپ، تۇجىرىمىن ايتتى. وق-دارىلەر قويماسىنداعى جارىلىس تابيعي قۇبىلىس بولماسا دا، كەزدەيسوق نارسە ەمەس، ونىڭ اسكەردە ورىن الۋ ىقتيمالدىعى جوعارى ەكەنىن جەتكىزدى

الەمدەگى كەز كەلگەن ارميا ءۇشىن جارىلىس كەزدەيسوقتىق ەمەس، ول ەكونوميكالىق دەڭگەيىنە دە، گەوساياسي ورنالاسۋىنا دا، قانداي دا ءبىر ارتىقشىلىق پەن كەمشىلىككە دە بايلانىستى ەمەس. نەگە دەسەڭىز، وق-دارىلەر بولسىن، جالپى قارۋلى كۇشتەردىڭ ءوزى بولسىن، پارادوكسقا ۇقسايتىنىنا قاراماستان، جوعارى قاۋىپتىڭ كوزى بولىپ تابىلادى. قالاي ايتساق تا، ەشبىر مەملەكەتتىك ورگاندا قورعانىس ۆەدومستۆوسىندا سياقتى سونشا كوپ قاۋىپتى، جويقىن قىرعىنعا ۇشىراتاتىن قارۋ-جاراق، تەحنيكا مەن وق-ءدارى جوق. قازاقستان ارمياسىنىڭ تاعى ءبىر ەرەكشەلىگى – قارۋ-جاراق پەن وق-دارىلەردىڭ باسىم بولىگى كەڭەس داۋىرىنەن قالعان. ولاردىڭ كەپىلدى پايدالانۋ مەرزىمى باياعىدا ءوتىپ كەتكەن، – دەءدى قوعام بەلسەندىسى.

كوزى اشىق وقىرمان قازاقستان قارۋلى كۇشتەرىندەگى 30 جىل بويى جيناقتالعان پروبلەمانى وتستاۆكا شەشپەيءتىنىن جاقسى تۇسىنەدى.ەرتىسباەۆ تا مۇنى تارقاتىپ ايتتى.

ارميا دا ءبىزدىڭ جالپى مەملەكەتتىك جۇيە سياقتى وتە «يكەمسىز»، سوندىقتان جىلدار بويى قالىپتاسقاندى تۇزەتۋ ءۇشىن ەرمەكباەۆ باسشىلىق ەتكەن 3 جىل ارينە از. ەلىمىزدىڭ تاريحىندا قورعانىس سالاسىن ارميا گەنەرالدارى دا، ساياسي باسقارۋشىلار دا باسقارعان بولاتىن. ولاردىڭ ارقايسىسىنىڭ كەزىندە دە وق-دارىلەر قويمالارىندا جارىلىس بولىپ، اسكەري قىزمەتشىلەر مەن ازاماتتىق تۇرعىندار قازا تاپقان. ول توتەنشە جاعدايلار ءبىرلى-جارىم دا بولدى جانە سەريالى تۇردە دە بولدى، بىراق ەشبىر مينيستر ورنىنان كەتپەدى, – دەدى قوعام بەلسەندىسى.

الماس جانتايۇلى

پىكىرلەر