ءداستۇرلى اندەرىمىزدى، ۇلتتىق اسپاپتارىمىزدى ناسيحاتتاپ جۇرگەن قاي توپ؟

2803
Adyrna.kz Telegram

"الاتاۋ" ءداستۇرلى ونەر تەاترىنىڭ ورىنداۋشىلار قۇرامىنىڭ ءارتيسى، "الاتاۋ سەرىلەرى" توبىنىڭ ءانشىسى قۋانىش التىباەۆ 4 تىلدە (قازاقشا، ورىسشا، اعىلشىنشا جانە تۇرىكشە) وتەتىن «الاتاۋ ستۋدياسىندا» حالىقارالىق ونلاين كەزدەسۋىنىڭ قوناعى بولدى.

سۇحباتتىڭ مودەراتورى، «الاتاۋ» ءداستۇرلى ونەر تەاترى ادەبيەت ءبولىمىنىڭ باسشىسى، PhD دوكتورى قۋانىش جۇمابەكۇلى قۋانىش التىباەۆقا تومەندەگىدەي سۇراقتار قويدى:

1) زاتاەۆيچتىڭ 1925 جىلى «قازاق حالقىنىڭ 1000 ءانى» اتتى كىتابى جارىققا شىققان بولاتىن. 1931 جىلى «قازاقتىڭ 500 ءان-كۇيى» دەگەن كىتابى تاعى شىقتى. مۋزىكا زەرتتەۋشىلەرىنىڭ ايتۋىنا قاراعاندا، حالقىمىزدا 5 مىڭنان اسا كۇي، 12 مىڭعا جۋىق ءان بار ەكەن. وسىدان-اق
قازاقتىڭ ءان مەن كۇيگە، جىر مەن تەرمەگە باي حالىق ەكەنىن كورۋگە بولادى.

جالپى، ارقا، جەتىسۋ، باتىس، سىر، التاي-تارعىباتاي دەپ انشىلىك مەكتەپتەرگە ءبولىپ قاراستىرامىز عوي. الاتاۋ سەرىلەرى توبىنداعى انشىلەر، ياعني، كىم قاي وڭىردەن، كىم قاي مەكتەپتىڭ وكىلى؟

2. ءوزىڭىز بىلەسىز ءار انشىلىك مەكتەپتىڭ وزىندىك ەرەكشەلىكتەرى بار. دومبىرا قاعىسىنداعى ايىرماشىلىقتارى دا جەتەرلىك. سىزدەر بىرىگىپ ءان ايتا باستاعاندا، ۇيلەسۋ جاعى قالاي بولدى؟

3. الاتاۋ سەرىلەرى العاش قۇرىلعاندا 7 ادام بولىپتى. 1 ءانشى قايدا كەتتى؟

4. ءبىر ءاندى ساحىناعا شىعارۋ ءۇشىن دايىندىققا شامامەن قانشا ۋاقىت كەتەدى؟

5. قازىرگى تاڭدا رەپەرتۋارلارىڭىزدا قانشا ءان بار؟

6. توپ بولىپ ءان ايتقاندا دومبىرا، بايان، اساتاياق، داربۋكا، سازسىرناي، شاڭقوبىز، داڭعىرا، شامامەن 10 شاقتى اسپاپتى قولداناسىزدار. بولاشاقتا تاعى باسقا اسپاپتاردى قوسۋ ويدا بار ما؟

7. بۇرىن "الاتاۋ سەرىلەرىندەگى" انشىلەر جەكە-جەكە ونەر كورسەتىپ، ءانشى بولىپ جۇردىڭىزدەر. قازىر التاۋىڭىز بىرگە شىعارماشىلىقتارىڭىزدى شىڭداۋداسىزدار. جالپى، توپتا جۇمىس ىستەۋدىڭ قيىندىعى مەن جەڭىلدىگى جايلى ايتساڭىز.

8. العاشقى كونتسەرتتەرىڭىزدى شقو اباي اۋدانىندا وتكىزىپسىزدەر. "الاتاۋ سەرىلەرى" الماتىدا نەمەسە نۇر-سۇلتاندا جەكە شىعارماشىلىق كەشىن قاشان بەرەدى؟

9. جاقىندا ماسكەۋگە بارىپ ونەر كورسەتىپ كەلدىڭىزدەر. وسىعان تولىعىراق توقتالساڭىز.

ء10)وزىڭىز بىلەسىز، تەاتر كوركەمدىك-يدەيالىق باعىتى ءبىر، ويى ساباقتاس بىرنەشە ونەردىڭ باسىن ءبىر جەردە توقايلاستىراتىن سينتەزدىك ونەر. ال وسى ونەردىڭ باستاۋىندا قاشاندا رەجيسسەر تۇرادى.

رەجيسسەردىڭ مىندەتى – ءار اكتەردىڭ امپلۋاسىن ءدال انىقتاپ، قويىلىمنىڭ ارحيتەكتونيكاسىن بيىك دەڭگەيدە جاساي الۋ.

جالپى العاندا، تەاتردىڭ رەپەرتۋار ساياساتى، شىعارماشىلىق دەڭگەيدىڭ ءوسۋى تىكەلەي رەجيسسەرگە بايلانىستى.

بۇل تەاتردا ءسىز تەك قانا ءداستۇرلى ءانشى ەمەسسىز، ءبىر جاعىنان اكتەرسىز.

رەجيسسەر ءسىزدىڭ اكتەرلىك قىرىڭىزدى اشاتىنداي رولدەر بەردى مە، الدە اۆانگاردتىق رولدەردى ءالى دە كۇتىپ ءجۇرسىز بە؟

11. الداعى جوسپارىڭىزبەن بولىسسەڭىز.

تولىق سۇحباتتى تومەندەگى سىلتەمەدەن كورە الاسىزدار!

پىكىرلەر