GGG كۇندەلىكتى تۇتىناتىن زاتتارىن كورسەتتى (ۆيدەو)

6878
Adyrna.kz Telegram

بوكستان IBF جانە IBO نۇسقاسى بويىنشا ورتا سالماقتاعى الەم چەمپيونى، قازاقستاندىق كاسىبي بوكسشى گەننادي گولوۆكين ءوزىنىڭ كۇندەلىكتى تۇتىناتىن زاتتارىن كورسەتتى، دەپ حابارلايدى "ادىرنا" ۇلتتىق پورتالى

چەمپيون ءوزىنىڭ ءار تاڭىن كوفە ىشۋمەن جانە مۋزىكا تىڭداۋمەن باستايدى، دەپ مالىمدەيدى YouTube جەلىسىندەگى GQ ارناسى.

- مەن كوفەنى وتە كوپ تۇتىنامىن. ءار تاڭ سايىن كاپۋچينو ىشەم. تاڭەرتەڭ تۇرا ساپ، كۇش-قۋات جيناۋىم كەرەك. كۇندىز ءسۇتتى كوبىرەك قۇيىپ لاتتە نەمەسە ەسپرەسسو ىشەمىن — دەپ ءبولىستى گولوۆكين.

ول كۇندەلىكتى جانىنان تاستامايتىن قۇرىلعىلارىن دا كورسەتتى.

- قۇلاققاپتى سونداي جاقسى كورەمىن. جۇگىرگەندە دە، شومىلۋعا بارعاندا دا قۇلاعىمنان تاستامايمىن. مەن تەك مۋزىكا تىڭدامايمىن، قۇلاققاپەن ۇنەمى اۋديوكىتاپ تا تىڭدايمىن — دەيدى جەرلەسىمىز.

چەمپيوننىڭ قولدانبالى زاتتارىنىڭ ىشىندە قازاقستاندىق ديزاينەر جاساعان سومكە دە بار ەكەن.

- مىناۋ مەنىڭ شاعىن قاپشىعىم. مۇندا ءوز كەرەك-جاراعىممەن قوسا، بالالارىمنىڭ زاتتارىن دا سالىپ جۇرەم. بۇنداي قولسومكە الەمدە 50 شاقتى داناسى عانا بار. ءبىر قىزىعى، بۇنى قازاقستاندىق ديزاينەر قىز جاساعان. وتە ىڭعايلى سومكە — دەدى گەنا وتاندىق ءونىمدى ماقتانا كورسەتىپ.

ايتا كەتەيىك، بۇدان باسقا، چەمپيون جەرلەسىمىز تۇتىناتىن زاتتاردىڭ ىشىندە ارنايى جاسالعان فيرمالىق قولساعات، ءتۇرلى كوزاينەكتەر، ءاميان مەن قولاربا دا بار.

"ادىرنا" ۇلتتىق پورتالى

پىكىرلەر