Bokstan IBF jáne IBO nusqasy boıynsha orta salmaqtaǵy álem chempıony, qazaqstandyq kásibı boksshy Gennadıı Golovkın óziniń kúndelikti tutynatyn zattaryn kórsetti, dep habarlaıdy "Adyrna" ulttyq portaly
Chempıon óziniń ár tańyn kofe ishýmen jáne mýzyka tyńdaýmen bastaıdy, dep málimdeıdi YouTube jelisindegi GQ arnasy.
- Men kofeni óte kóp tutynamyn. Ár tań saıyn kapýchıno ishem. Tańerteń tura sap, kúsh-qýat jınaýym kerek. Kúndiz sútti kóbirek quıyp latte nemese espresso ishemin — dep bólisti Golovkın.
Ol kúndelikti janynan tastamaıtyn qurylǵylaryn da kórsetti.
- Qulaqqapty sondaı jaqsy kóremin. Júgirgende de, shomylýǵa barǵanda da qulaǵymnan tastamaımyn. Men tek mýzyka tyńdamaımyn, qulaqqapen únemi aýdıokitap ta tyńdaımyn — deıdi jerlesimiz.
Chempıonnyń qoldanbaly zattarynyń ishinde qazaqstandyq dızaıner jasaǵan sómke de bar eken.
- Mynaý meniń shaǵyn qapshyǵym. Munda óz kerek-jaraǵymmen qosa, balalarymnyń zattaryn da salyp júrem. Bundaı qolsómke álemde 50 shaqty danasy ǵana bar. Bir qyzyǵy, buny qazaqstandyq dızaıner qyz jasaǵan. Óte yńǵaıly sómke — dedi Gena otandyq ónimdy maqtana kórsetip.
Aıta keteıik, budan basqa, chempıon jerlesimiz tutynatyn zattardyń ishinde arnaıy jasalǵan fırmalyq qolsaǵat, túrli kózáınekter, ámııan men qolarba da bar.
"Adyrna" ulttyq portaly
