بۇل تۋرالى اتىراۋ وبلىستىق تىلدەردى دامىتۋ جونىندەگى باسقارما باسشىسى ءاسيا قىستاۋباەۆا مالىمدەدى.
– پرەزيدەنت «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىندا «قازاق ءتىلىن دامىتۋ مەملەكەتتىك ساياساتتىڭ باسىم باعىتىنىڭ ءبىرى بولىپ قالا بەرەدى» دەپ ايرىقشا اتاپ ءوتتى. سوندىقتان، مەملەكەتتىك تىلگە باسىمدىق بەرە وتىرىپ، باسقا تىلدەردىڭ دامۋىنا دا جاعداي جاسايمىز. 2025 جىلعا دەيىن لاتىن ءالىپبيىن پايدالانۋشىلار جانە ءۇش ءتىلدى مەڭگەرگەن ازاماتتار قاتارىن ارتتىرۋ كوزدەلىپ وتىر. جاڭا ءالىپبيدىڭ جەتىلدىرىلگەن نۇسقاسى بەكىتىلگەن سوڭ، كەشەندى شارالار قولعا الىنادى» دەدى ول.
بۇدان بولەك، وبلىستاعى وزگە ۇلت وكىلدەرى ءۇشىن قازاق ءتىلى كۋرستارى ۇيىمداستىرىلاتىن بولادى.
«شەتەلدەگى قانداستارىمىزدىڭ انا ءتىلىن ۇمىتپاۋى ءۇشىن حالەل دوسمۇحامەدوۆ اتىنداعى اتىراۋ ۋنيۆەرسيتەتىمەن بىرلەسكەن جوبالار ىسكە اسىرىلدى. ياعني، قازاق ءتىلىن ۇيرەنۋدە ادىستەمەلىك جانە ۇيىمداستىرۋشىلىق كومەك كورسەتىلدى. ورتالىق مەملەكەتتىك ورگانداردىڭ تاپسىرىسىمەن دايىندالعان ادىستەمەلەر، بەينەبلوكتار، قازاق ادەبيەتى مەن تاريحى تۋرالى، بالالارعا ارنالعان كىتاپتار تاراتىلدى» دەدى سپيكەر.
