وتاندىق ءونىم، ساپالى تاۋار، قولجەتىمدى باعا! بۇگىندە شىمكەنتتە تۇرعىندار تاراپىنان وزىمىزدەن شىققان ونىمگە دەگەن سۇرانىس جوعارى. وسى ورايدا ىرگەلى كاسىپورىنداردىڭ دا قاتارى ارتىپ كەلەدى. بۇگىندە «وڭتۇستىك» يندۋستريالدى ايماعىندا ورنالاسقان «يۋگپلاست» زاۋىتىنىڭ جۇمىسى قارقىندى.
«يۋگپلاست» جشس - 2012 جىلى پوليەتيلەندى قۇبىر ءوندىرىسىن باستاعان زاۋىتتاردىڭ ءبىرى. مۇندا قۇبىردىڭ سۋ، گازبەن جابدىقتاۋ، كارىس جۇيەسىنە ارنالعان تۇرلەرى شىعارىلادى. كاسىپورىندا ورناتىلعان قۇرىلعىلاردىڭ كومەگىمەن جىلىنا 8 مىڭ توننا ءونىم دايىندالادى. جىلدىق اينالىمى 2 ملرد تەڭگە. كووپەراتيۆ توعىز جىلدان بەرى ساۋدا نارىعىندا قىزمەت ەتىپ كەلەدى. مەكەمە باسشىسى قاجەتتى شيكىزاتتى رەسەي مەن يراننان اكەلەدى. ال تاۋارعا تاپسىرىس بەرۋشىلەردىڭ باسىمى – تۇركىستان، قىزىلوردا، تاراز، شىمكەنت قالالارىنىڭ قۇرىلىس كومپانيالارى.
نۇرلان تەمىرباەۆ – «يۋگپلاست» جشس زاۋىتىنىڭ ينجينەر-تەحنولوگى - «الداعى ۋاقىتتا ەكسپورتقا شىعارۋ جوسپارىمىزدا بار. ديامەترى 20-دان 630-عا دەيىن قۇبىرلار شىعارامىز»
اتالعان زاۋىت «جول كارتاسى – 2020» جانە يندۋستريالدى-يننوۆاتسيالىق دامۋ باعدارلامالارىنىڭ قولداۋىمەن جۇزەگە اسىرىرىلعان. بۇگىندە ءوندىرىس وشاعىنىڭ ونىمدەرى تۇتىنۋشىنىڭ بار تالابىنا ساي. ءارى باعاسى دا قولجەتىمدى. زاۋىت باسشىسى تاۋاردىڭ سانىنا ەمەس، ساپاسىنا اسا كوڭىل بولەدى. سوندىقتان بولار ونىمگە بەرىلەتىن كەپىلدىك مەرزىمى – 50 جىل. ياعني ۇزاق ۋاقىتقا جارامدى. نۇربول ەرماحان - «يۋگپلاست» جشس زاۋىتىنىڭ وپەراتورى – «زاۋىتتا 1 جىلدان بەرى جۇمىس جاسايمىن. زاماناۋي تەحنولوگيالارمەن جابدىقتالعان. جاقىندا عانا ۆاكتسينانىڭ 2-ءشى كومپونەنتىن قابىلدادىم»
قازىرگى تاڭدا زاۋىتتا 19 ادام جۇمىس ىستەيدى. زاۋىت باسشىسى الداعى ۋاقىتتا قۋاتتىلىعىن ارتتىرىپ، جۇمىس كۇشىن كوبەيتۋدى كوزدەپ وتىر. ايتىپ وتەيىك، ساپالى ءونىم شىعاراتىن تەحنيكالار ارنايى گەرمانيادان اكەلىنگەن. بۇل قۇرىلعىلاردىڭ كومەگىمەن ساپالى ءارى ۇزاق ۋاقىت بويى قىزمەت ەتەتىن قۇبىرلار شىعارىلادى.
ايدانا قۋانىشقىزى
