ءبىلىم مەن تاربيە بەرەر مادەني ورىنداردىڭ ءبىرى – كىتاپحانا. شىمكەنت قالاسىندا ءىرى 5 كىتاپحانا جانە 37 فيليالى ۇزدىكسىز قىزمەت اتقارىپ كەلەدى. قالادا بيىل كەزەگىمەن 10 كىتاپحاناعا جاڭعىرتۋ جۇمىستارىن جۇرگىزۋ جوسپارلانعان. I-كەزەڭدە 3 كىتاپحانا اشىلعان بولسا، ەلوردا كۇنىنە وراي 3 كىتاپحانا ەل يگىلىگىنە بەرىلدى. II-كەزەڭگە جوسپارلانعان 4 كىتاپحانانىڭ مودەرنيزاتسيا جۇمىستارىن كۇز ايلارىندا اتقارۋ جوسپاردا.
كىتاپحانالار زاماناۋي ۇلگىدە جاڭعىرىپ، ىشىنەن «Book Cafe»، «Coworking Center»، شاحمات كلۋبى، «Relax room» بولىمدەرى اشىلعان. بالالار كىتاپحاناسى مەن اباي كىتاپحاناسىنىڭ ەكى فيليالىنىڭ جاڭعىرۋى قالا تۇرعىندارىنا قۋانىش سىيلاپ، ءبىلىمدى ۇرپاقتى تاربيەلەۋدە ءبىر قادام العا باستى دەۋگە بولادى. سونداي-اق، قازىرگى تاڭدا كىتاپحانالاردا وقىرمانعا ارنالعان قوسىمشا 11 قىزمەت ءتۇرى كورسەتىلەدى. اتاپ ايتساق:– جەتكىزگىشتەردىڭ، فورماتتاردىڭ، ستاندارتتاردىڭ بارلىق تۇرىنەن كوشىرمەلەر دايىنداۋ جانە ولاردى وڭدەۋ;– مۇمكىندىگى شەكتەۋلى ازاماتتار ءۇشىن ماتەريالدار دايىنداۋ;– قۇجاتتاردى تالدامالى-سينتەتيكالىق وڭدەۋ جانە قوسىمشا بيبليوگرافيا جاساۋ;– قولجازبالاردى، قۇندى كىتاپتاردى جانە قۇجاتتاردى رەستاۆراتسيالاۋ;– كوشپەلى اقپاراتتىق-كورمە ءىس-شارالارىن ۇيىمداستىرۋ;– ءبىلىم بەرۋ جانە اۋدارماشىلىق قىزمەتتەرىن كورسەتۋ;– قولجازبالارعا جانە قۇندى كىتاپتارعا ساراپتاما جاساۋ;– بايلانىس وپەراتورىمەن شارت نەگىزىندە ينتەرنەت جەلىسى قىزمەتتەرىن ۇسىنۋ;– قۇجاتتاردى ەلەكتروندى جەتكىزۋ، تاقىرىپتىق اقپارات ىزدەستىرىپ، قۇراستىرۋ;– ەكسكۋرسيالىق قىزمەت ەتۋ، فوتو، بەينە تۇسىرىلىمدەر جاساۋ;– كىتاپحانا شىعارعان وقۋ-ادىستەمەلىك ادەبيەتتى جانە باسقا دا وقۋ قۇرالدارىن وتكىزۋ.
اۆت. ماقپال
