شىمكەنت اكىمى قالاداعى قۇرىلىس نىساندارىن ارالاۋ بارىسىندا «بوزارىق» قوسالقى ستانتسياسىنا دا باردى. شاھاردا ەنەرگەتيكا سالاسىن دامىتۋ باعىتىندا سالىنىپ جاتقان 220/110/10 كۆ «بوزارىق» قوسالقى ستانتسياسىنىڭ قۇرىلىسى اياقتالۋعا تايادى.
قۋاتتىلىعى 160 مۆت قوسالقى ستانتسيانىڭ قۇرىلىسىنا جاۋاپتى مەردىگەر مەكەمە – «اۆرورا كونستراكشەن» جشس.بۇگىندە نىسانعا قاجەتتى باستى قۇرال-جابدىقتار تولىعىمىن جەتكىزىلگەن. بىرقاتار قۇرال-جابدىقتار - 220 كۆ اۆتوترانسفورماتور، 220 كۆ كرۋە، 110 كۆ كرۋە ورناتىلدى. قازىرگى ۋاقىتتا جۇمىستىڭ 99 پايىزى اياقتالعان.قۇرىلىس-مونتاج جۇمىستارىن 2016-2021 جىلدارى جۇزەگە اسىرۋدى جوسپارلاعان مەردىگەر مەكەمە باسشىلارى قۇرىلىستى بيىل تامىز ايىندا ىسكە قوسامىز دەپ وتىر. مەگاپوليس باسشىسى مۇرات ايتەنوۆ تەحنيكالاردىڭ ساپالى ورنالاستىرىلعانىنا كوز جەتكىزىپ، قۇرىلىستى جوسپارعا ساي مەرزىمىندە اياقتاۋ كەرەكتىگىن ايتتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز