قىزىلوردا وبلىسىندا مەكتەپ قازاندىعىندا جارىلىس بولدى دەپ حابارلايدى "ادىرنا" ۇلتتىق پورتالى.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ حابارلاۋىنشا، 11 قازاندا تاڭعى ساعات 08.15-تە دەپارتامەنتتىڭ داعدارىستىق جاعدايلار باسقارماسىنا قازالى اۋدانى، تاسارىق كەنتىندە №238 ورتا مەكتەپ اۋماعىندا جەكە تۇرعان، قاتتى وتىنمەن جىلىتاتىن قازاندىق (مەكتەپتەن قاشىقتىعى - 50 مەتر) تۇتانباي جارىلىپ، كەيىن 64 شارشى مەتر اۋماقتا عيماراتتىڭ قابىرعالارى ءىشىنارا بۇزىلعانى تۋرالى اقپارات كەلىپ تۇسكەن.
"قايتىس بولعاندار مەن زارداپ شەككەندەر جوق. وقۋعا كەدەرگى كەلتىرمەگەن (اۋا تەمپەراتۋراسى +9 گرادۋس). قازاندىق ۇيىندىلەرىن رەتكە كەلتىرۋ جۇمىستارى مەكتەپ قىزمەتكەرلەرىنىڭ كۇشىمەن (15 ادام جانە 2 تەحنيكا) جۇرگىزىلەدى", - دەلىنگەن حابارلامادا.
"ادىرنا" ۇلتتىق پورتالى.