قايرات نۇرتاستىڭ اناسى ۇلىن "ماماسىنىڭ بالاسى" دەپ مازاق ەتكەندەرگە جاۋاپ بەردى

18211

قازاقستاننىڭ ەسترادالىق ءانشىسى قايرات نۇرتاستىڭ اناسى، ءارى پروديۋسەرى گۇلزيرا ايداربەكوۆا ۇلىن "ماماسىنىڭ بالاسى" دەپ، مازاق ەتىپ جۇرگەندەرگە جاۋاپ بەردى، دەپ حابارلايدى "ادىرنا" ۇلتتىق پورتالى. 

بۇل تۋرالى ءانشىنىڭ اناسى Instagram-داعى پاراقشاسىندا جازدى.

- ەلىن-جەرىن، وتانىن ءسۇيۋ ەر ازامات ءۇشىن ءبىرىنشى بولىپ اناسىن قۇرمەتتەۋدەن باستالادى. اناسىن قۇرمەتتەي الماعان ادامدا قايدان مەيىرىم بولسىن. مەن تەك قايراتتىڭ اناسى ەمەس پروديۋسەرىمىن، سونى بىلە تۇرا "ماماسىنىڭ بالاسى" دەپ قانشاما جىلدار مىسقىلمەن ءتيىسىپ كەلگەندەر از بولعان جوق، —دەيدى گۇلزيرا ايداربەكوۆا.

ءتىپتى العاشقى جىلدارى گۇلزيرا ايداربەكوۆا بالام نامىستانباسىن دەپ بىرگە شاقىرىلعان توي-تومالاقتارعا بارۋعا باس تارتقان.

- بالام وسىنداي سوزدەردەن جاۋىر بولعان شىعار، نامىستانباسىن دەپ، ءوزىمدى الشاق ۇستاۋعا دا تىرىستىم، كوپ جەرلەرگە بىرگە شاقىرىلساق تا،  سەن بارىپ كەلە بەر دەپ قالا سالاتىن كەزدەرىم دە بولدى، — دەيدى پروديۋسەر.

ودان بولەك بەلگىلى پروديۋسەر قايرات نۇرتاستىڭ جاس ءارى اڭعال الدانىپ قالا بەرەتىن مىنەزىن العا قويىپ، ءاربىر جۇمىسىن ەشكىمگە سەنبەي تۇگەل ءوزى جاسايتىنىنا توقتالىپ ءوتتى.

-  كوشەگە ءتۇن جارىمدا ەشكىمگە كورىنبەي شىعىپ افيشالارىن دا ءوزىم جابىستىراتىنمىن. ەستەرىڭىزدە بولسا، جىل سايىن 25 ءشى اقپان رەسپۋبليكا سارايىندا تۋعان كۇنىن حالىقپەن تويلاىسن دەپ كونتسەرتىن جاسايتىنمىن. قىس مەزگىدى بولعاندىقتان ايازدان افيشالار نە سكوتچپەن نە كلەيمەن جابىسپاي، ساۋساقتارىم ءۇسىپ قالعان كەزدەرىم دە بولعان، - دەيدى قايرات نۇرتاستىڭ اناسى.

گۇلزيرا ايداربەكوۆا ءسوز سوڭىن : "انا مەن بالا اراسىنداعى قۇرمەت كەيبىرەۋلەرگە ۇناماي، قانشاما جاعىمسىز سوزدەر ايتىلىپ، جازىلىپ جاتسا دا، ۇلىما ريزا بولعانىم، كەرىسىنشە: مەنىڭ انام دەپ جۇرەگى تولى ماقتانىشپەن، اناعا دەگەن قۇرمەتىن جاستارعا پاش ەتۋدەن، ۇلگى بولۋدان جالىققان جوق. كىم نە دەسە دە ەشبىر بالا اناسىن، انالار ءوز بالاسىن جوعالتپاسىن", - دەپ اياقتادى.

"ادىرنا" ۇلتتىق پورتالى

پىكىرلەر
ۇقساس جاڭالىقتار