تورەعالي تورەالىنىڭ قارىنداسى فاريزا تورەالى ءوزىنىڭ Instagram پاراقشاسىندا امەريكالىق وقۋ ورنىنان شاقىرتۋ العان ۆيدەوسىن جۇكتەپ جۇرتتى شۋلاتتى، دەپ حابارلايدى "ادىرنا" ءتىلشىسى.
ۆيدەودا 20 جاسار ارۋ كاليفورنيالىق، حيۋستوندىق، لوندوندىق، مانچەستەرلىك ۋنيۆەرسيتەتتەن گرانتقا شاقىرتۋ الىپ، قۋانىشتان كوز جاسىنا ەرىك بەردى.
تۋعان كۇنىندە، وتباسى مەن تۋىسقاندارىنىڭ جيىنىندا جاريالانعان قۋانىشتى جاڭالىققا وسىدان ەكى جىل بۇرىن عانا تۇرمىسقا شىققان فاريزا تورەالى، سەنەر-سەنبەسىن بىلمەستەن قاتتى قۋاندى.
ء"دال قازىر ايتارعا ءسوز تاپپاي وتىرمىن.. سەنە الار ەمەسپىن!
⠀
كۇيەۋگە شىققانىمدا امەريكاعا ءتۇسىپ تۇرعان جەرىمنەن اتا-انام ء"بىر سەبەپپەن" مەنى جىبەرمەي قويعان ەدى. قانشاما وقىپ ، شەتەلگە تۇسكەن وقۋىما بارا الماعانىم ءۇشىن تالاي تۇندەر جىلاعام.. بىراق ءبارى اللانىڭ قالاۋى ، بولماي قالعان نارسەدە قايىر بار دەپ ۇيدەگىلەر جۇباتاتىن. ءدال قازىر كەتپەگەنىمە قۋانام! كەتكەنىمدە ءدال قازىرگىنىڭ ءبارى مەندە بولماس ەدى! مەنى قانشاما ادامدار سوگەتىن، "بۇرىن وقۋعا تۇسكەنىڭ وتىرىك" ، "وقۋىڭ قايدا", "نە ديپلومى" جوق.. تاۋسىلمايتىن سىن. نامىستاناتىنمىن، وزگەلەرگە ەمەس وزىمە مىقتى، ءبىلىمدى ەكەنىمدى دالەلدەگىم كەلەتىن! ەندى مىنە كاليفورنيالىق، حيۋستوندىق، لوندوندىق، مانچەستەرلىك ۋنيۆەرسيتەتتەن گرانتقا شاقىرتۋ الدىم!" دەپ جازدى فاريزا ءوز پاراقشاسىنا.
ارۋ ءالى دە الەمنىڭ 20 ۋنيۆەرسيتەتىنەن حابار كۇتەتىنىن، سولاردىڭ اراسىنان ءبىر ۋنيۆەرسيتەتتى تاڭدايتىنىن ايتتى.
جەلىدەگى جازىلۋشىلارى:
"كەرەمەت 20جاسقا كەلىپ قانشاما جەتىستىككە جەتىپ جاتسىڭ! اللام ءتىل كوزدەن ساقتاسىن! باقىت تىلەيمىن تەك قانا!", "مەن اياعى اۋىر ەكەن دەپ ويلاسام", "قۇتتى بولسىن! جارايسىڭ!", "مىقتى قىز!" دەپ جازۋدا.
"ادىرنا" ۇلتتىق پورتالى
