Qaırat Nurtastyń anasy ulyn "mamasynyń balasy" dep mazaq etkenderge jaýap berdi

18210

Qazaqstannyń estradalyq ánshisi Qaırat Nurtastyń anasy, ári prodıýseri Gúlzıra Aıdarbekova ulyn "mamasynyń balasy" dep, mazaq etip júrgenderge jaýap berdi, dep habarlaıdy "Adyrna" ulttyq portaly. 

Bul týraly ánshiniń anasy Instagram-daǵy paraqshasynda jazdy.

- Elin-jerin, otanyn súıý er azamat úshin birinshi bolyp anasyn qurmetteýden bastalady. Anasyn qurmetteı almaǵan adamda qaıdan meıirim bolsyn. Men tek Qaırattyń anasy emes prodıýserimin, sony bile tura "Mamasynyń balasy" dep qanshama jyldar mysqylmen tıisip kelgender az bolǵan joq, —deıdi Gúlzıra Aıdarbekova.

Tipti alǵashqy jyldary Gúlzıra Aıdarbekova balam namystanbasyn dep birge shaqyrylǵan toı-tomalaqtarǵa barýǵa bas tartqan.

- Balam osyndaı sózderden jaýyr bolǵan shyǵar, namystanbasyn dep, ózimdi alshaq ustaýǵa da tyrystym, kóp jerlerge birge shaqyrylsaq ta,  sen baryp kele ber dep qala salatyn kezderim de boldy, — deıdi prodıýser.

Odan bólek belgili prodıýser Qaırat Nurtastyń jas ári ańǵal aldanyp qala beretin minezin alǵa qoıyp, árbir jumysyn eshkimge senbeı túgel ózi jasaıtynyna toqtalyp ótti.

-  Kóshege tún jarymda eshkimge kórinbeı shyǵyp afıshalaryn da ózim jabystyratynmyn. Esterińizde bolsa, jyl saıyn 25 shi aqpan Respýblıka saraıynda týǵan kúnin halyqpen toılaysn dep konertin jasaıtynmyn. Qys mezgidi bolǵandyqtan aıazdan afıshalar ne skotchpen ne kleımen jabyspaı, saýsaqtarym úsip qalǵan kezderim de bolǵan, - deıdi Qaırat Nurtastyń anasy.

Gúlzıra Aıdarbekova sóz sońyn : "Ana men bala arasyndaǵy qurmet keıbireýlerge unamaı, qanshama jaǵymsyz sózder aıtylyp, jazylyp jatsa da, ulyma rıza bolǵanym, kerisinshe: Meniń anam dep júregi toly maqtanyshpen, anaǵa degen qurmetin jastarǵa pash etýden, úlgi bolýdan jalyqqan joq. Kim ne dese de eshbir bala anasyn, analar óz balasyn joǵaltpasyn", - dep aıaqtady.

"Adyrna" ulttyq portaly

Pikirler
Uqsas jańalyqtar