قور نارىعىنا قىزىعۋشىلىعىڭىز بار ما؟

4354
Adyrna.kz Telegram

قازاقستانداعى ەكونوميكالىق بەلسەندى جەكە تۇلعالاردىڭ (9,167 ملن ادام) 2% عانا قور نارىعىنا قىزىعۋشىلىق بىلدىرەدى ەكەن. مۇنى وسى ماقساتتا اشىلعان شوتپەن ەسەپتەپ وتىرعان سياقتى.

مۇنداي شوتتاردىڭ سانى 188 009 ەكەن. تامىز ايىندا تەك وسىنىڭ 8 مىڭى عانا اكتسيا ساتىپ الۋ-ساتۋ وپەراتسياسىن جۇرگىزگەن. بۇل ەكونوميكالىق بەلسەندى ادامداردىڭ 0,08%. رەسەيدە بۇل كورسەتكىش 15%، شەتەلدە 30-40% كەم ەمەس ەكەن.

"قازاقستاندىقتاردىڭ قور نارىعىنا قىزىعۋشىلىعى ارتۋى ءۇشىن ينفلياتسيا مەن بازالىق مولشەرلەمە تومەندەۋى كەرەك، دەپوزيت قىزىقسىز بولىپ قالعاندا حالىق باسقا قۇرالداردى ىزدەي باستايدى.

الايدا 2024 جىلعا دەيىن قازاقستاندىق قۇرالداردى ساتىپ الۋ-ساتۋعا ۇيرەتىپ ۇلگەرەمىز بە، ويتكەنى سول جىلدان باستاپ ەاەو اياسىندا بىرىڭعاي قارجى الاڭى جۇمىس ىستەي باستايدى، رەسەيلىك قارجى ونىمدەرى بىزدە ەركىن جۇمىس ىستەيدى، ال ءبىز ولارمەن باسەكەلەسە المايمىز", دەيدى اندرەي چەبوتارەۆ kapital.kz-تەگى ماقالاسىندا.

ەربول ازانبەك،

"ادىرنا" ۇلتتىق پورتالى

پىكىرلەر