20 ميلليون تەڭگەگە الداپ سوققان - سەريالىق الاياق قازاقستاندىقتارعا ۇندەۋ جاسادى (ۆيدەو)

903

الماتى وبلىسىندا زەينەتكەرلەر مەن مۇگەدەكتەردى الداعان سەريالىق الاياق ۇستالدى، دەپ حابارلايدى "ادىرنا" ۇلتتىق پورتالى. 

وتكەن ايدىڭ سوڭىندا ەسىك قالاسىنىڭ 66 جاستاعى تۇرعىنى ەڭبەكشىقازاق اۋداندىق پوليتسياسىنا جۇگىنىپ، 80 مىڭ تەڭگە كولەمىندە اقشانى الاياقتىق جولمەن يەمدەنگەن بەلگىسىز تۇلعاعا شارا قولدانۋ تۋرالى ءوتىنىش بىلدىرگەن.

پوليتسەيلەر 32 جاستاعى كۇدىكتىنى قولعا ءتۇسىردى.

تەرگەۋ بارىسىندا ەر ادامنىڭ ەكى جىل بويى الاياقتىقپەن اينالىسقانى انىقتالدى. بۇگىنگى كۇنى ونىڭ 17 الاياقتىق فاكتىسىن جاساۋعا قاتىسى بار ەكەندىگى دالەلدەندى، ونىڭ زالال كولەمى 20 ميلليون تەڭگەدەن اسادى. الاياقتىقتىڭ نەگىزگى بولىگى زەينەتكەرلەرگە، مۇگەدەكتەرگە الەۋمەتتىك تولەمدەردى، زەينەتاقىلار مەن جاردەماقىلاردى كوبەيتۋ ءۇشىن جاسالعان.

ايتۋلارىنشا، كۇدىكتى ءوزىنىڭ قىلمىستىق ارەكەتىن 2019 جىلى باستاعان.

كۇدىكتى ادامداردى قالاي الداپ، ازاماتتارعا جۇگىنگەنىن ايتىپ بەردى.

"مەن ادامدارعا ايتار ەدىم: ەشكىمگە سەنبەڭىزدەر. قازىر ينتەرنەت-الاياقتار كوپ. تەك مەملەكەتتىك ورگاندارعا نەمەسە سول بانككە حابارلاسىڭىز (ەگەر ءسىز الاياقتىققا تاپ بولساڭىز - رەداكتوردىڭ ەسكەرتۋى),- دەدى ول.

سونداي -اق، ۇستالعان ادام «گازەتتەردى كوبىرەك وقىپ، جاڭالىقتاردى كورۋگە» كەڭەس بەردى.

ونداعىلاردىڭ ءبارى الاياقتىق تۋرالى كورسەتەدى، ايتادى، قۇلاعدار ەتەدى، - دەپ قورىتىندىلادى كۇدىكتى.

"ادىرنا" ۇلتتىق پورتالى

پىكىرلەر
ۇقساس جاڭالىقتار