پاريج سوتى Tasyapi Insaat Taahhut San. ve Ticaret A.S. ("تاشياپى") كومپانياسىنىڭ تالابىن ورىندامادى. سوت قازاقستاننىڭ پايداسىنا شەشىم شىعاردى دەپ حابارلايدى "ادىرنا" ۇلتتىق پورتالى قر ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ.
دەپارتامەنتتە حابارلانعانداي، پاريج سوتىندا تالاپكەر بۇرىن شىعارىلعان تورەلىك شەشىمنىڭ كۇشىن جويۋدى تالاپ ەتكەن، وعان سايكەس "تاشياپى" قازاقستانعا 6,7 ملرد. تەڭگە تولەۋى ءتيىس.
"قازاقستان رەسپۋبليكاسى فرانتسۋز سوتىن تالاپتاردىڭ نەگىزسىزدىگىنە سەندىرە الدى، سونىمەن قاتار، سوت قازاقستانعا 30 000 ەۋرو كولەمىندە سوت شىعىندارىن وتەۋدى مىندەتتەدى", - دەلىنگەن حابارلامادا.
ەستەرىڭىزگە سالا كەتەيىك، فرانتسياداعى ءىس جۇرگىزۋ اۆتوموبيل جولدارى كوميتەتى مەن "تاشياپى" كومپانياسى اراسىنداعى اربيتراجدىق داۋ بولدى. كومپانيا "اقتوبە-ماقات" جولىنىڭ قۇرىلىسى مەن ونى قايتا قۇرۋ تۋرالى كەلىسىمشارتتى زاڭسىز بۇزدى دەپ ايىپتالدى. تالاپ ەتىلگەن شىعىن مولشەرى 6,5 ميلليون دوللار بولدى.
"ادىرنا" ۇلتتىق پورتالى
