جاڭا وقۋ جىلىن باستاعان وقۋشىلاردىڭ قاۋىپسىزدىگى باستى نازاردا. شىمكەنت قالاسى پوليتسيا دەپارتامەنتىنىڭ باستىعى ەرالى جۋماحانبەتوۆتىڭ باستاماسىمەن قالاداعى بارلىق مەكتەپتىڭ الدىندا يۋۆەنالدى پوليتسيا قىزمەتكەرلەرى ءۇش اۋىسىمدى كەزەكشىلىككە تۇرادى. ونداعى ماقسات - بالالاردىڭ قاتىسۋىمەن بولاتىن جول-كولىك وقيعالارىنىڭ الدىن الۋ. مەكتەپ اۋماعىندا قۇقىقتىق ءتارتىپتى قامتاماسىز ەتۋ، اۆتوكولىك جۇرگىزۋشىلەرىنىڭ، اسىرەسە مەكتەپ ماڭىندا، جول قوزعالىسى ەرەجەلەرىن بۇزۋعا جول بەرمەۋ دەيدى ءتارتىپ ساقشىلارى.
1 قىركۇيەكتەن باستاپ پوليتسيا دەپارتامەنتىنىڭ قىزمەتكەرلەرى قالا مەكتەپتەرىنىڭ ماڭىندا تاباننان تىك تۇرىپ، وقۋشىلاردىڭ قاۋىپسىزدىگىن قامتاماسسىز ەتەدى. وزدىگىنەن جولدان وتە المايتىن كىشكەنتاي بالعىندارعا پوليتسەيلەر كومەككە كەلەدى. تۇرعىندار جول بويىندا كەزەكشىلىكتىڭ ۇيىمداستىرىلۋى مەكتەپكە بالالارىن تاسي المايتىن جۇمىسباستى اتا-انالار ءۇشىن ءتيىمدى دەيدى.
نۇرباعيلا ساليەۆا، اتا-انا :
پوليتسەيلەر تۇرعاندا بالالاردى مەكتەپكە وزدەرىن جىبەرە الامىز...
كسم: جولعا جاقىن ورنالاسقان ءبىلىم وشاقتارى اۋماعىندا جول بەلگىلەرىنىڭ ورنالاسۋى، رەتتەۋ تاڭبالارى مەن قۇرالداردىڭ ساپاسى دا ەرەكشە نازاردا. تارتىپ ساقشىلارى مەكتەپ ماڭايلارىندا 3 اۋىسىممەن كەزەكشىلىككە شىعادى.
نۇرلان ەرمەكباەۆ شىمكەنت قالاسى جول پوليتسياسى قىزمەتى باسقارماسىنىڭ ينسپەكتورى: 9037 جاسوسپىرىمدەردىڭ جانە جاياۋ جۇرگىنشىلەردىڭ جولدا ءجۇرۋ قاۋىپسىزدىگىن قامتاماسىز ەتۋ جانە ولارعا جولدا ءجۇرۋ ەرەجەلەرىن ءتۇسىندىرۋ ماقساتىندا، كۇندەلىكتى تاڭعى ساعات 07:30-08:30, تۇسكى ساعات 12:30-14:30 جانە كەشكى ساعات 17:30-19:30 ۋاقىت ارالىعىندا مەكتەپ ينسپەكتورلارى مەن پاترۋلدىك پوليتسيا قىزمەتكەرلەرى قالا اۋماعىنداعى بارلىق مەكتەپتىڭ ماڭىنداعى جولداردان وقۋشىلاردىڭ قاۋىپسىز ءوتۋىن قامتاماسىز ەتۋ باعىتىندا قىزمەت اتقارادى.
ايتا كەتەيىك، قالادا 23-31 تامىز ارالىعىندا «ابايلاڭىز، بالالار» اتتى جەدەل پروفيلاكتيكالىق ءىس-شاراسى وتكەن بولاتىن. شارا كەزىندە ءتارتىپ ساقشىلارى جول ءجۇرۋ ەرەجەلەرىن بۇزۋعا 7 مىڭنان استام ءجايتتى انىقتاعان. مەكتەپ ماڭىنداعى كوشەلەردە 140 جول بەلگىلەرى ورناتىلىپ، 15 جاساندى جول كەدەرگىلەرى قويىلىپتى.
م.رىسباەۆا
