كۇنى كەشە قر پرەزيدەنتى ق.توقاەۆتىڭ حالىققا ارناعان «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىن جۇزەگە اسىرۋ ماقساتىندا بۇگىن قالا اكتيۆى باس قوستى. جيىندا جان-جاقتى تالقىلانعان جەتى باعىت پەن جاريا ەتىلگەن بەس باستاما بويىنشا ناقتى تاپسىرمالار بەرگەن قالا اكىمى مۇرات ايتەنوۆ جۇمىستىڭ ءوز دەڭگەيىندە ورىندالۋىنا بارلىق مۇمكىندىكتەر بار ەكەنىن ايتىپ ءوتتى.
وسىمەن قازاقستان حالقىنا ءۇشىنشى مارتە ۇندەۋىن ارناعان مەملەكەت باسشىسى، باسىمدىقتى ءاردايىم قولايلى ورتا قالىپتاستىرۋعا بەرىپ كەلەدى. بۇل جولى دا سول العان باعىتىنان تانبادى. شاعىن جانە ورتا كاسىپكەرلىكتى قولداۋدىڭ مەرزىمىن ۇزارتقان پرەزيدەنت ەكونوميكانىڭ وزەگىن تالدىرماۋعا بارىمىزدى سالۋ كەرەكپىز، دەپ قاداپ تۇرىپ ايتقان بولاتىن. كۇنى كەشە ايتىلعان تاپسىرماعا، بۇگىن جوسپار ءتۇزىلىپ ونىڭ جۇزەگە اسىرىلۋىن قالا اكىمى ءتيىستى سالا باسشىلارىنا جۇكتەدى.
مۇرات ايتەنوۆ – شىمكەنت قالاسىنىڭ اكىمى
پاندەميا دەنساۋلىق ساقتاۋ سالاسى ءۇشىن ۇلكەن سىناق بولدى. وسى ورايدا، وتاندىق ءدارى-دارمەك پەن قۇرال-جابدىقتىڭ ۇلەسىن بۇگىنگى 17 پايىزدان 50 پايىزعا جەتكىزۋ مەجەسىن بەلگىلەگەن مەملەكەت باسشىسى، ىندەتتەن قۇتىلۋدىڭ جالعىز جولى ۆاكتسينا سالدىرۋ دەپ ءتۇيدى. بۇل رەتتە ءۇشىنشى مەگاپوليستە فارماتسەۆتيكالىق كلاستەر دامىعانىن تىلگە تيەك ەتكەن قالا اكىمى، مەديتسينا جابدىقتارىنىڭ ءوندىرىسى دە جولعا قويىلعانىن قايتالاپ ءوتتى. ال، بۇقارالىق سپورتتى دامىتۋ بويىنشا مەگاپوليستە بيىلدان باستاپ شالعاي ەلدى مەكەندەردە 115 سپورت الاڭشاسىن ورنالاستىرۋ باستاماسى ىسكە اسىرىلۋدا. سپورت سەكتسيالارىنا جان باسىنا قارجىلاندىرۋ جۇيەسى ەنگىزىلدى. بۇل باعىتتاعى جۇمىستار الداعى ۋاقىتتا دا جالعاسىن تاباتىن بولادى، دەدى قالا باسشىسى كوپشىلىك الدىندا.
مۇرات ايتەنوۆ – شىمكەنت قالاسىنىڭ اكىمى
جولداۋدا ايتىلعان جەتى باعىت پەن بەس باستامانى ەگجەي-تەگجەيلى تالقىلاعان قالا اكتيۆى، ءۇشىنشى باعىت، ياعني ساپالى ءبىلىم جايىندا ۇزاق ءسوز ەتتى. پرەزيدەنت تسيفرلاندىرۋ جونىندەگى ۇلتتىق جوبانىڭ اياسىندا كەمىندە 100 مىڭ جوعارى بىلىكتى ءىت-مامان دايارلاۋدى تاپسىردى. وسىعان وراي شىمكەنت قالاسىنىڭ اكىمى ءوزىنىڭ ورىنباسارلارىنا ءبىلىم بەرۋ ۇيىمدارىنداعى STEM كابينەتتەرىنىڭ ءتيىمدى جۇمىس ىستەۋىن قاداعالاۋدى، ءىت-ماماندار دايارلاۋدىڭ قالالىق كەشەندى جوسپارىن ازىرلەۋدى جۇكتەدى.مەملەكەت باسشىسىنىڭ بۇقارالىق سپورتتى دامىتۋ جونىندەگى مىندەتتەمەلەرىنە سايكەس، بيىلدان باستاپ شىمكەنتتىڭ شالعاي ەلدى مەكەندەرىندە 115 سپورت الاڭشاسىن سالۋ باستاماسى ىسكە اسىرىلىپ جاتىر. سپورت سەكتسيالارىنا جان باسىنا قارجىلاندىرۋ جۇيەسى ەنگىزىلدى.
يكرامجان حاشيمجانوۆ – «قازاقستان وزبەكتەرى» دوستىق قاۋىمداستىعىنىڭ توراعاسى
