قوعام بەلسەندىسى، قۇقىق قورعاۋشى ايگۇل ورىنبەك اينۇر تۇرسىنباەۆاعا ارناپ ءوتىنىش حاتىن جولدادى، دەپ حابارلايدى “ادىرنا” ۇلتتىق پورتالى.
ءوز Facebook پاراقشاسىندا جاريالاعان جازباسىندا “ايتىستىڭ اققۋى ەدىڭىز، كوۋچتاردىڭ قارعاسى بوپ باراسىز” دەپ سىنادى.
ەستەرىڭىزدە بولسا، اينۇر تۇرسىنباەۆا ءبىر جىل بۇرىن كوۆيدتەن اۋىرىپ جاتقان مىڭداعان ادامعا يۆل اپپاراتىن تارتۋ ەتكەن ەدى.
اپاتايىم اۋ!
قان ساسىپ دەم جەتپەي جاتقان حالقىڭا دەم بەرىپ ءبىر قۋانتىپ ەدىڭ!
“ميلليونەر بولامىن”، دەپ ستامبۋلعا اعىلىپ دالادا قاڭعىپ قالىپ جاتقان ايەلدەردىڭ كوشىن توقتاتىپ ءبىر قۋانتىڭىز!
“ايەلدەردىڭ وزىندە مي جوق پا؟”،دەپسىز!
يا، سىزدەردىڭ ەرتەگى ومىرلەرىڭىزدى كورىپ جۇرگەن ايەلدەردە مي قالمادى!ءسىزدىڭ ءتاتتى سوزدەرىڭىزگە ميى ۋلانعان ايەلدەر، ءسىزدىڭ جانىڭىزدا جۇرگەن قۇزعىندارعا جەم بولىپ جاتىر!
حالقىڭنىڭ جۇرەگىندە قازاقتىڭ مۇڭىن جىرلاپ جۇرگەن قازاقتىڭ اينۇرى بولىپ ورىن الدىڭ!
مىنا قۇزعىنداردىڭ ارقاسىندا حالقىڭنان قارعىس الىپ جۇرمەڭىز دەپ وسىلاي اشىق جازىپ وتىرمىن!وزىڭىزگە جەكە ەسكەرتىپ ايتپادىم ەمەس، ايتتىم!
سول قۇزعىنداردى ەل الدىندا جارنامالاپ جۇرگەن سوڭ، تاياقتىڭ ءبىر ۇشى سىزگە دە تيەدى دەپ!
مەنىڭ سوزدەرىم سىزگە ۇناماعانىن بىلەم، دوس جىلاتىپ ايتادى دەگەن ءسوز بار ەمەس پە؟
بۇل جازبامدى ءسىزدى جاماندىققا قيماي جازىپ وتىرمىن دەپ قابىلداڭىز!ايتىستىڭ اققۋى ەدىڭىز، كوۋچتاردىڭ قارعاسى بولىپ باراسىز اپاتاي!
مەن ءسىزدى باياعى ايتىستىڭ اققۋى رەتىندە كورگىم كەلەدى!،-دەپ جازدى ايگۇل ورىنبەك.
”ادىرنا” ۇلتتىق پورتالى
