بۇگىن اتىراۋدا قر سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى مەن وبلىستىق ءبىلىم باسقارماسىنىڭ ۇيىمداستىرۋىمەن "ادال ۇرپاق" ەرىكتى مەكتەپ كلۋبتارىنىڭ وبلىستىق سلەتى ءوتتى
سلەتكە وبلىستىڭ ءبىلىم بەرۋ ۇيىمدارىنىڭ باسشىلارى جانە وبلىستىڭ بارلىق اۋداندارىنان "ادال ۇرپاق" ەرىكتىلەر كلۋبتارىنىڭ 60-تان استام مۇشەلەرى قاتىستى.
سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ا.مامىت ءىس-شارا جاستاردىڭ بويىندا گۋمانيزم مەن ۇلتتىق قۇندىلىقتار نەگىزىندە سىبايلاس جەمقورلىققا قارسى مادەنيەتتى قالىپتاستىرۋ ماقساتىندا ۇيىمداستىرىلعانىن اتاپ ءوتتى.
ء"بىزدىڭ مىندەتىمىز - جاس ۇرپاقتى جاستايىنان پاتريوتتىق رۋحتا تاربيەلەۋ، وندا ەڭبەكسۇيگىشتىك پەن بىلىمگە دەگەن قۇشتارلىقتى، ادالدىقتى تاربيەلەۋ. بۇل قاسيەتتەر ەجەلدەن حالقىمىزعا ءتان. سوندىقتان بارلىق اتا-انالار، بارلىق مۇعالىمدەر بالالارعا لايىقتى ۇلگى بولىپ، ولارعا ەڭ جاقسى قاسيەتتەردى الۋعا كومەكتەسۋى كەرەك", - دەدى ا.مامىت.
