ەتنواۋىل» ۇلتتىق-مادەني كەشەنى – «ەكسپو – 2017» كورمەسى اياسىندا قۇرىلعان مادەني-تۋريستىك جانە يميدجدىك بىرەگەي جوبا بولىپ تابىلادى.«ەتنواۋىل» - بۇل بايىرعى زامانعا ساياحاتتاپ، ءوزىن كوشپەندىلەر بەينەسىندە سەزىنىپ، وتكەن جۇزجىلدىقتاردىڭ وقيعاسىن باسىنان وتكەرۋگە جاعداي تۋعىزاتىن ناعىز مۇمكىندىك. ۇلتتىق-مادەني كەشەنگە كەلۋشىلەر قازاق حالقىنىڭ باي تاريحىمەن، مادەنيەتىمەن جانە داستۇرىمەن تانىسا الادى، قالاعان جان كوشپەندىلەر وركەنيەتىنىڭ ەتنومادەني ورتاسىنا تاپ بولىپ، اۋىلدىڭ كۇندەلىكتى جانە مەرەكەلى ومىرىمەن بارىنشا ءلازاتتانادى.ەتنواۋىلدا قازاق مۋزىكالىق جانە تەاتر ونەرى فەستيۆالى، ساندىك-قولدانبالى ونەر بويىنشا شەبەرلىك مەكتەپتەرى، قولونەر جانە كوركەمونەر كورمەلەرى، ەتنيكالىق مۋزىكا فەستيۆالى، اتتى-سپورت شارالارى، ۇلتتىق سپورت تۇرلەرىنەن جارىستار جانە تاعى دا باسقا شارالار وتەدى.ەتنواۋىل «قازانات» يپپودرومىنىڭ 2500 شارشى مەتر اۋماعىندا ورنالاسىپ، 40 ءداستۇرلى كيىز ۇيدەن تۇرادى.
كىشى ساۋلەتتىك نىساندار – مەنشىكتى قاراپايىم فۋنكتسيالارى بار لاندشافتى ساۋلەت قۇرىلعىلارى، جابدىقتارى جانە كوركەمدىك-دەكوراتيۆتىك ەلەمەنتتەر ەتنواۋىلدىڭ جالپى كومپوزيتسياسىن تولىقتىرادى.
كەشەن ءارتۇرلى باعىتتاعى بىرنەشە سەكتورلاردان تۇرادى. «اڭشىلىقتىڭ ءداستۇرلى تۇرلەرى» سەكتورىندا قازاقتاردىڭ ەڭ سۇيىكتى اڭشىلىق ءتۇرى - ساياتشىلىق، اڭشى قۇستارمەن جانە دالا تازىلارىمەن اڭعا شىعۋ كورسەتىلەدى. سونداي-اق، بۇل جەردە مەرگەندەردىڭ ونەرىن تاماشالاۋعا بولادى.
ۇلتتىق ويىنداردىڭ بارلىق ۋاقىتتا جانە كەز كەلگەن داۋىردە دە قازاقستان حالقى ءۇشىن جوعارى قوعامدىق ماڭىزى بولدى. بۇلاردىڭ بارلىعى ەجەلدەن كەلە جاتىر جانە ءوزىنىڭ دامۋ دەڭگەيىندە بىرقاتار نىساندارى وزگەرىسكە ۇشىرادى، ولار قالىپتاسقان قوعام ىشىندەگى قارىم-قاتىناسقا جانە شارۋاشىلىق قىزمەتىنىڭ تۇرىنە سايكەس وزگەرىپ وتىرعان. قازاقتاردىڭ ۇلتتىق ءداستۇرىن ناسيحاتتاۋ جانە كورسەتۋ ماقساتىندا كەشەندە ۇلتتىق داستۇرلەر ايشىقتى تۇردە كورەرمەندەرگە ۇسىنىلادى. «ۇلتتىق ويىندار» سەكتورىندا كەلۋشىلەرگە تاربيەلىك، داستۇرلىك،اسكەري-سپورتتىق، كوپشىلىك-ەستەتيكالىق، كوممۋنيكاتيۆتىك جانە وزگە قوعامدىق مىندەتتەر اتقاراتىن ويىن-ساۋىقتار مەن ۇلتتىق ويىندار كورسەتىلەدى. «سايىس»، «قىز قۋ»، «كۇمىس الۋ»، «التىباقان» جانە ت.ب. ويىندار ءبىزدى اتا-بابالارىمىزدىڭ ەجەلگى زامانىنا الىپ كەلەدى.
«ۇلتتىق اسحانا ورتالىعى» سەكتورىندا قاتىسۋشىلار مەن قوناقتار ءبىزدىڭ قوناقجايلىعىمىزدىڭ ەجەلگى جانە باي تاريحىنا جول تارتادى، قازاقتىڭ ۇلتتىق تاعامدارىنىڭ كوپتۇرلىلىگى مەن ەرەكشەلىگى تۋرالى كوبىرەك بىلۋگە جانە باعالاۋعا بولادى. سەكتوردىڭ سيمۆولى جايۋلى اق مەرەكەلىك داستارحان، بۇل جەردە كەز كەلگەن كەلۋشى ۇلتتىق تاعامداردان ءدام تاتۋعا جانە ءداستۇرلى سۋسىندار – قىمىز بەن شۇباتتان ىشۋىنە بولادى.
ەتنواۋىل جوباسىنىڭ مەرەكەلىك ءىس-شارالارى ىشىندەگى ەڭ كۇتەتىنىمىز – قازاق مۋزىكالىق جانە تەاتر ونەرىنىڭ فەستيۆالى بولىپ تابىلادى. «قازاق مۋزىكالىق جانە تەاتر ونەرىنىڭ فەستيۆالى» سەكتورىندا قوناقتار ءۇشىن كوشپەندىلەر مەن قازىرگى زامانعى قازاقستاننىڭ مادەنيەتىنىڭ كوپتۇرلىلىگىن جەتكىزەتىن جانە كورسەتەتىن تولىققاندى باعدارلاما ۇسىنىلادى.
«شەبەرلەر» سەكتورىندا قازاقتىڭ ەتنيكالىق قولدانبالى ونەر شەبەرلەرىنىڭ ەكسپوزيتسياسى ورنالاسادى. قوناقتار تەك قانا وسىنىڭ ءبارىن ساتىپ الىپ قانا قويماي جاسالۋ بارىسىنا دا كوزايىم بولا الادى. باستى ماقسات – قازىرگى زامانعى دامىپ كەلە جاتقان قازاقستاننىڭ مادەني ارتۇرلىلىگىن كورسەتۋ، قوناقتاردى ۇسىنىلعان ەكسپوزيتسيالىق كەشەندەر ارقىلى ەل دامۋى تاريحىنىڭ ءار ساتىسىمەن تانىستىرۋ جانە ءارتۇرلى جانردا - كوركەمسۋرەت، گرافيكا، ساۋلەت، گوبەدەن، زەرگەرلىك بۇيىمدار، اعاشتان مۇسىندەۋ، كەراميكا، سىزبا، كەستە تىگۋ، كيىز باسۋ – قازىرگى زامانعى جاس سۋرەتشىلەردىڭ شىعارماشىلىعى مەن شەبەرلىگىن كورسەتۋ. قازاقستاننىڭ بارلىق وڭىرلەرىنەن حالىق شەبەرلەرى قاتىساتىن بولادى.
culture.kz
