Etnoauyl» ūlttyq-mädeni keşenı – «EKSPO – 2017» körmesı aiasynda qūrylǧan mädeni-turistık jäne imidjdık bıregei joba bolyp tabylady.«Etnoauyl» - būl baiyrǧy zamanǧa saiahattap, özın köşpendıler beinesınde sezınıp, ötken jüzjyldyqtardyŋ oqiǧasyn basynan ötkeruge jaǧdai tuǧyzatyn naǧyz mümkındık. Ūlttyq-mädeni keşenge keluşıler qazaq halqynyŋ bai tarihymen, mädenietımen jäne dästürımen tanysa alady, qalaǧan jan köşpendıler örkenietınıŋ etnomädeni ortasyna tap bolyp, auyldyŋ kündelıktı jäne merekelı ömırımen barynşa läzattanady.Etnoauylda qazaq muzykalyq jäne teatr önerı festivalı, sändık-qoldanbaly öner boiynşa şeberlık mektepterı, qolöner jäne körkemöner körmelerı, etnikalyq muzyka festivalı, atty-sport şaralary, ūlttyq sport türlerınen jarystar jäne taǧy da basqa şaralar ötedı.Etnoauyl «Qazanat» ippodromynyŋ 2500 şarşy metr aumaǧynda ornalasyp, 40 dästürlı kiız üiden tūrady.
Kışı säulettık nysandar – menşıktı qarapaiym funksiialary bar landşafty säulet qūrylǧylary, jabdyqtary jäne körkemdık-dekorativtık elementter Etnoauyldyŋ jalpy kompozisiiasyn tolyqtyrady.
Keşen ärtürlı baǧyttaǧy bırneşe sektorlardan tūrady. «Aŋşylyqtyŋ dästürlı türlerı» sektorynda qazaqtardyŋ eŋ süiıktı aŋşylyq türı - saiatşylyq, aŋşy qūstarmen jäne dala tazylarymen aŋǧa şyǧu körsetıledı. Sondai-aq, būl jerde mergenderdıŋ önerın tamaşalauǧa bolady.
Ūlttyq oiyndardyŋ barlyq uaqytta jäne kez kelgen däuırde de Qazaqstan halqy üşın joǧary qoǧamdyq maŋyzy boldy. Būlardyŋ barlyǧy ejelden kele jatyr jäne özınıŋ damu deŋgeiınde bırqatar nysandary özgerıske ūşyrady, olar qalyptasqan qoǧam ışındegı qarym-qatynasqa jäne şaruaşylyq qyzmetınıŋ türıne säikes özgerıp otyrǧan. Qazaqtardyŋ ūlttyq dästürın nasihattau jäne körsetu maqsatynda keşende ūlttyq dästürler aişyqty türde körermenderge ūsynylady. «Ūlttyq oiyndar» sektorynda keluşılerge tärbielık, dästürlık,äskeri-sporttyq, köpşılık-estetikalyq, kommunikativtık jäne özge qoǧamdyq mındetter atqaratyn oiyn-sauyqtar men ūlttyq oiyndar körsetıledı. «Saiys», «Qyz quu», «Kümıs alu», «Altybaqan» jäne t.b. oiyndar bızdı ata-babalarymyzdyŋ ejelgı zamanyna alyp keledı.
«Ūlttyq ashana ortalyǧy» sektorynda qatysuşylar men qonaqtar bızdıŋ qonaqjailyǧymyzdyŋ ejelgı jäne bai tarihyna jol tartady, qazaqtyŋ ūlttyq taǧamdarynyŋ köptürlılıgı men erekşelıgı turaly köbırek bıluge jäne baǧalauǧa bolady. Sektordyŋ simvoly jaiuly aq merekelık dastarhan, būl jerde kez kelgen keluşı ūlttyq taǧamdardan däm tatuǧa jäne dästürlı susyndar – qymyz ben şūbattan ışuıne bolady.
Etnoauyl jobasynyŋ merekelık ıs-şaralary ışındegı eŋ kütetınımız – qazaq muzykalyq jäne teatr önerınıŋ festivalı bolyp tabylady. «Qazaq muzykalyq jäne teatr önerınıŋ festivalı» sektorynda qonaqtar üşın köşpendıler men qazırgı zamanǧy Qazaqstannyŋ mädenietınıŋ köptürlılıgın jetkızetın jäne körsetetın tolyqqandy baǧdarlama ūsynylady.
«Şeberler» sektorynda qazaqtyŋ etnikalyq qoldanbaly öner şeberlerınıŋ ekspozisiiasy ornalasady. Qonaqtar tek qana osynyŋ bärın satyp alyp qana qoimai jasalu barysyna da közaiym bola alady. Basty maqsat – qazırgı zamanǧy damyp kele jatqan Qazaqstannyŋ mädeni ärtürlılıgın körsetu, qonaqtardy ūsynylǧan ekspozisiialyq keşender arqyly el damuy tarihynyŋ är satysymen tanystyru jäne ärtürlı janrda - körkemsuret, grafika, säulet, gobeden, zergerlık būiymdar, aǧaştan müsındeu, keramika, syzba, keste tıgu, kiız basu – qazırgı zamanǧy jas suretşılerdıŋ şyǧarmaşylyǧy men şeberlıgın körsetu. Qazaqstannyŋ barlyq öŋırlerınen halyq şeberlerı qatysatyn bolady.
culture.kz
