وتكەن اپتادا قازاقستان رەسپۋبليكاسى اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ اۋماقتىق بولىمشەلەرى كارانتيندىك فيتوسانيتارلىق باقىلاۋ جۇرگىزۋ بارىسىندا 1000 توننادان استام يمپورتتىق كارانتينگە جاتقىزىلعان ءونىمدى انى0تادى، دەپ حابارلايدى "ادىرنا" ۇلتتىق پورتالى.
كارانتيندىك ونىمدەر رەسەي فەدەراتسياسىنان، بەلارۋستەن، فينليانديادان، وزبەكستاننان، قىرعىزستاننان، نيدەرلاندىدان جانە كورەيا رەسپۋبليكاسىنان اكەلىندى.
2021 جىلعى 22 قازان مەن 29 قازان ارالىعىندا اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ اۋماقتىق ينسپەكتسيالارى قازاقستان رەسپۋبليكاسىنىڭ اۋماعىنا جوعارى فيتوسانيتارلىق قاۋىپتىلىگى بار كارانتينگە جاتقىزىلعان ءونىمدى زاڭسىز اكەلۋ ارەكەتىنىڭ 82 فاكتىسىن توقتاتتى. نۇر-سۇلتان قالاسىنا نيدەرلاندىدان 1,2 توننا قىزاناق اكەلۋ كەزىندە قىزاناق قوڭىر ءتۇستى جەمىس ۆيرۋسىن (ToBRFV) جانە Pepino موزايكا ۆيرۋسى جۇقتىرىلعان كوكونىستەر انىقتالدى، دەپ مالىمدەدى قازاقستان رەسپۋبليكاسى اۋىل شارۋاشىلىعى مينيسترلىگى.سونداي-اق، جامبىل جانە ماڭعىستاۋ وبلىستارىنا قىرعىزستان مەن وزبەكستاننان 21,9 توننا قۇرما اكەلۋ كەزىندە ۆيرۋستى (Pseudococcus comstoki) قۇرت انىقتالدى.
اتالعان وسىمدىكتەر كارانتيندىك زاڭنامانى بۇزۋ فاكتىلەرى بويىنشا اكىمشىلىك ماتەريالدار ءتۇزىلىپ، سوتقا جولداندى. وزبەكستان رەسپۋبليكاسى مەن قىرعىزستانعا 21,9 توننا قۇرما قايتارىلدى، دەپ حابارلادى مينيسترلىك.رەسەي فەدەراتسياسىنان جالپى كولەمى 768 توننا كارتوپ، ءسابىز، قىزىلشا، قىزاناق، بۇرىش، ماقسارى، بيداي، جاڭعاق، كەپتىرىلگەن جەمىستەر، اپەلسين، الما جانە بانانداردى اكەلۋ كەزىندە 56 جاعدايدا فيتوسانيتاريالىق سەرتيفيكاتتاردىڭ جوقتىعى انىقتالدى، 22 توننا قىرعىزستاننان مال ازىقتىق ەسپارتسەت، كورەيادان 1,5 توننا جۇگەرى ۇنى جانە نيدەرلاندىدان 139 780 دانا زاقىمدانعان گۇل انىقتالدى. تاعى ءبىر جاعدايدا رەسەي فەدەراتسياسىنان 108 060 دانا كوشەت اكەلۋ كەزىندە تاڭبالاۋدىڭ جوقتىعى انىقتالدى. رەسەي فەدەراتسياسىنان جالپى سالماعى 140 توننا كارتوپ، قىزاناق، اپەلسين، قاربىز، قارا ورىك، الما، ۇن، استىق قالدىقتارى، جارما اكەلۋ كەزىندە 20 جاعدايدا، بەلارۋستەن 48 843 دانا كوشەت، فينليانديادان 25 توننا جاڭعاق جانە ت.ب. قىرعىزستاننان اكەلىنگەن 7 توننادان استام كارتوپ، قىزاناق جانە ءجۇزىم، باقىلاۋعا الىنعان ونىمدەر قايتالاما تەكسەرۋگە ۇسىنىلماعان.
وسىمدىكتەر كارانتيندىك زاڭنامانى بۇزعاندارعا قاتىستى 1-باپ بويىنشا اكىمشىلىك ماتەريالدار تولتىرىلدى. قر اقبتك-ءنىڭ 400-بابىنا سايكەس 4,3 ملن تەڭگەدەن استام ايىپپۇل سالىندى، دەپ حابارلادى ۆەدومستۆودان.اۋىل شارۋاشىلىعى مينيسترلىگىنىڭ مالىمەتىنشە، جىل باسىنان بەرى وسىمدىكتەر كارانتينى سالاسىندا 5,3 مىڭ زاڭ بۇزۋشىلىق انىقتالعان. ناتيجەسىندە 393 ميلليون تەڭگەدەن استام سوماعا اكىمشىلىك ايىپپۇل سالىندى.
"ادىرنا" ۇلتتىق پورتالى
ۇقساس جاڭالىقتار
