اتىراۋ تۇرعىندارى نان باعاسىنىڭ قىمباتتاۋىنا شاعىمداندى. ناننىڭ باعاسى 5-10 تەڭگەگە ءوستى. مۇنى ۇننىڭ، ەلەكتر ەنەرگياسىنىڭ جانە وتىن باعالارىنىڭ وسۋىمەن بايلانىستىرادى، - دەپ حابارلايدى "ادىرنا" ۇلتتىق پورتالى.
"بارلىعى ججم باعاسىنىڭ وسۋىنە، تاسىمالداردىڭ قىمباتتاۋىنا، ەنەرگيا تاسىمالى مەن ۇن باعاسىنا بايلانىستى. "ازىق-تۇلىك كورپوراتسياسى" ارقىلى جاقىن ارادا 1 مىڭ توننا بيداي جشس "كاراتقا" تۇسەدى. سودان كەيىن باعانى ۇستاپ تۇرۋعا مۇمكىندىك بار"- دەدى اتىراۋ وبلىسى اۋىل شارۋاشىلىعى باسقارماسىنىڭ باسشىسى امانگەلدى سالامات.اتىراۋلىق شەنەۋنىكتەر باعانى 95 تەڭگە دەڭگەيىندە ۇستاپ تۇرۋعا تىرىسقاندارىن مويىندادى. بىراق ۇن مەن ەنەرگيا قۇنىنىڭ 10 تەڭگەگە قىمباتتاۋى جاعدايدى قيىنداتتى. ەندى نان 100 تەڭگە تۇرادى. ال قاراعاندىدا نان بىردەن 30 تەڭگەگە قىمباتتاعان. ەگەر بۇرىن بيدايدان تارتىلعان ناندى 80 تەڭگەگە ساتىپ العان بولسا، ەندى ونىڭ باعاسى كەي جەرلەردە 120 تەڭگە. قاراعاندىلىقتار سوڭعى التى ايدا ازىق-تۇلىك باعاسى ايتارلىقتاي وسكەنىن جانە بۇل ءۇردىستىڭ قاشان توقتايتىنى بەلگىسىز ەكەنىن اتاپ ءوتتى.
