شىمكەنتتە جۇرەك-قان تامىرلارىنا تىڭ ادىسپەن وتا جاسالۋدا

شىمكەنت قالاسىنداعى №2 اۋرۋحانا بازاسىندا كوروناروگرافيا ادىسىمەن حيۋرگيالىق ەمدىك جۇمىستارى بەلسەندى جۇرگىزىلۋدە. سوڭعى ءبىر ايدىڭ ىشىندە اۋرۋحانانىڭ باس دارىگەرى اسقار راحماتاليەۆتىڭ جەتەكشىلىگىمەن 20 ناۋقاسقا جۇرەك-قان تامىرلارى بويىنشا تىلىكسىز وتا جاسالعان. دارىگەرلەردىڭ سوزىنشە، كوروناروگرافيا – جۇرەكتىڭ يشەميالىق اۋرۋىن انىقتاۋدىڭ تىڭ ءادىسى. الەم بويىنشا وسى دەرتتەن پايدا بولاتىن ءولىم-ءجىتىمنىڭ سانى كۇرت وسكەن بولاتىن. الايدا، سوڭعى جىلدارىمەديتسينادىعى تىڭ تاسىلدەردىڭ ارقاسىندا ءولىم سانى باسەڭدەگەن.

–كوروناگرافيا ادىسىمەن قالالىق №2-ءشى اۋرۋحاناسىندا كۇنىنە ەكى-ءۇش ناۋقاسقا وتا جاسايمىز. امبۋلاتورلى كورونوگرافيانىڭ پايداسى كوپ. بۇرىن جۇرەك-قان تامىرلارىن كورۋ ءۇشىن كوپ دارىگەردىڭ قاتىسۋى كەرەك بولاتىن. بۇگىندە جەرگىلىكتى انەستازيا ارقىلى امبۋلاتورلى تۇردە ناۋقاستى اۋرۋحاناعا جاتقىزباي، جۇرەكتىڭ قان تامىرلارىن كورىپ شىعۋعا مۇمكىندىك بار. ەڭ باستىسى – ەشقانداي اۋىرسىنۋسىز، كەرى اسەر بايقالماي، 2-3 ساعات ىشىندە ناۋقاس امان-ەسەن ۇيىنە ورالادى. كەز-كەلگەن ۋاقىتتا ناۋقاستى ستاتسيونارعا جاتقىزۋعا بولادى،-دەيدى رەنتگەنحيرۋرگ دارىگەرى سەرىك كەرىمقۇلوۆ.

كورونارگرافيا ءداسىنىڭ 99 پايىزى جەڭىل، ءارى ءساتتى وتۋدە. وپەراتسيا كەزىندە ناركوز بەرىلمەي، قان تامىرىنىڭ زاقىمدانۋىنا قاراي حيرۋرگيالىق ەم 15-20 مينۋت ىشىندە جاسالادى.

شىمكەنت قالاسى اكىمدىگىنىڭ ءباسپاسوز قىزمەتى