«اق جول» فراكتسياسىنىڭ دەپۋتاتتىق ساۋالىنان كەيىن شاعىن كوممەرتسيالىق كولىككە كولىك سالىعىن ەسەپتەۋ ءتارتىبى قايتا قارالاتىن بولادى. ايتا كەتەيىك، بيىلعى جىلدىڭ كوكتەمىندە «اق جول» فراكتسياسى دۇكەندەر مەن دارىحانالارعا تاۋارلاردىڭ شاعىن پارتيالارىن جەتكىزۋمەن اينالىساتىن كاسىپكەرلەردى قولدادى. 2020 جىلدان باستاپ سالىق ورگاندارى ولار ءۇشىن قوزعالتقىش كولەمى 3000 تەكشە سم-دەن اساتىن اۆتوموبيلدەر ءۇشىن كولىك سالىعىن ەسەپتەيتىنى بەلگىلى بولدى، ال سالىق سوماسى ونداعان ەسە ءوستى.
سالىق كودەكسىنە سايكەس جەڭىل كولىككە سالىقتى ەسەپتەۋ كەزىندە قوزعالتقىشتىڭ كولەمى ەسەپكە الىنادى، ال جۇك كولىكتەرى بويىنشا سالىقتى ەسەپتەۋ جۇك كوتەرگىشتىگى بويىنشا جۇرگىزىلەدى. بۇرىن سالىق ورگاندارى جۇك كولىكتەرىنە ارنالعان شاعىن ۆاگوندارعا ستاۆكالاردى قولدانعان. ولاردىڭ جۇك كوتەرگىشتىگى از بولعاندىقتان، سالىق مولشەرى دە از بولدى، بۇل شوب مۇمكىندىكتەرىنە سايكەس كەلدى. بىراق سالىق تولەۋشىلەر مۇنداي پراكتيكادان باس تارتىپ، ولارعا جەڭىل اۆتوموبيلدەر سياقتى قوزعالتقىشتىڭ كولەمىنە قاراي سالىق ەسەپتەي باستادى، بۇل كولىك سالىعىنىڭ 20-30 ەسە وسۋىنە اكەلدى جانە كىشكەنتاي فۋرگونداردى بەدەلدى جول تالعامايتىن كولىكتەرمەن تەڭ قويدى.
سالىقتىڭ مۇنداي جاڭاشا ءتۇرى شوب شىعىندارىنا اسەر ەتەتىنىن جانە قىزمەتتەردىڭ قىمباتتاۋىنا اكەلەتىنىن تۇسىنە وتىرىپ، سالىق قىزمەتكەرلەرى اۆتوكولىك يەلەرىنە «ۆ» ساناتىن «س» ساناتىنا (جۇك كولىكتەرى) وزگەرتۋ ءۇشىن پوليتسياعا جۇگىنۋدى ۇسىندى. بىراق جول ەرەجەلەرىنە سايكەس جۇك كولىكتەرىنىڭ يەلەرىنە ەلدى-مەكەندەردىڭ نەگىزگى كوشەلەرىمەن جۇرۋگە تىيىم سالىنادى. وسىلايشا فۋرگوندار مەن گازەلدەر دۇكەندەر مەن دارىحانالارعا تاۋارلاردى جەتكىزە المايدى، كوپتەگەن باسقا كولىك قىزمەتتەرىن ۇسىنادى.
«مەملەكەتتىك ورگاندار ورناعان كەمشىلىكتەردى كاسىپكەرلەردىڭ يىعىنا سالماي، ءوز شەشىمدەرىنىڭ ىقتيمال سالدارىن الدىن الا ەسەپتەپ، سالالىق قۇجاتتار مەن تاسىلدەردەگى قايشىلىقتاردى انىقتاپ، جويۋى كەرەك. بۇل جاعدايدا مەملەكەتتىك ورگاندار اراسىنداعى ءوزارا ءىس-قيمىلدىڭ بولماۋى پروبلەمالارعا الىپ كەلدى»، - دەپ سول كەزدە «اق جول» فراكتسياسىنىڭ دەپۋتاتتارى اتاپ ءوتىپ، كاسىپكەرلەرگە تۇسەتىن جۇكتەمەنى ۇلعايتپاي، بۇل ماسەلەنى شۇعىل شەشۋدى تالاپ ەتتى.
قارجى مينيسترلىگىنىڭ بۇل ساۋالعا بەرگەن جاۋابىندا شاعىن كولەمدى فۋرگوندارعا سالىق سالۋ ماسەلەلەرى بويىنشا بىرىڭعاي ۇستانىمدى ازىرلەۋ ءۇشىن قارجى، ۇلتتىق ەكونوميكا جانە ىشكى ىستەر مينيسترلىكتەرى جينالىس وتكىزىپ، وندا سالىق سالۋ ماقساتىندا جۇك كوتەرگىشتىگىنە بايلانىستى سالىق سالۋ تارتىبىمەن جۇك اۆتوموبيلدەرىنە وسى ساناتتاعى اۆتوكولىكتى جاتقىزۋ بولىگىندە سالىق كودەكسىنە ءتيىستى وزگەرىستەردى دايىنداۋ جانە ەنگىزۋ قاجەتتىلىگى تۋرالى بىرىڭعاي ۇستانىم راستالعانىن اتاپ ءوتتى.
قازىرگى ۋاقىتتا سالىق زاڭناماسىنا تۇزەتۋلەردىڭ ءتيىستى پاكەتى ماجىلىستە قارالۋدا، مۇنداي وزگەرىستەردى ەنگىزۋ رەتروسپەكتيۆتى تۇردە، 2021 جىلعى قاڭتاردان باستاپ ۇسىنىلۋدا. كەلەسى جالپى وتىرىستا زاڭ جوباسىن ءبىرىنشى وقىلىمدا قاراۋ جوسپارلانۋدا.
جاقىندا وسىنداي جۇك تاسىمالداۋشىلاردىڭ ءبىرى «اق جول» پارتياسىنىڭ قاراعاندى فيليالىنىڭ قولداۋىمەن مامانداندىرىلعان اۋدانارالىق سوت شەشىمىنىڭ كۇشىن جويۋعا قول جەتكىزگەنىن اتاپ ءوتۋ كەرەك. قاراعاندى وبلىستىق سوتىنىڭ ازاماتتىق ىستەر جونىندەگى سوت القاسى گراچەۆ جك-ءنىڭ اپەللياتسيالىق شاعىمىن تولىق كولەمدە قاناعاتتاندىردى جانە كولىك ءۇشىن سالىق بەرەشەگى تۋرالى حابارلامانىڭ كۇشىن جويدى، «جاڭا قاعيدالار بويىنشا» ەسەپتەلگەن سالىق كولەمى ميلليون تەڭگەدەن استام سومانى قۇراعان بولاتىن.
"ادىرنا" ۇلتتىق پورتالى
