پلاستيكالىق كارتالارعا قاراعاندا، ەلەكتروندىق ءامياندار جەتە دامىعان ەلدىڭ تاعى ءبىرى — قىتاي. اسپان استى ەلى ساناۋلى عانا جىلدار ىشىندە دامۋشى ەلدەردىڭ قاتارىنان وزىق ەلدەردىڭ قاتارىنا ەندى. مۇندا بانك جۇيەسى ەكونوميكانىڭ دامۋىنا ىلەسە المادى، سوندىقتان قىتايدا پلاستيكالىق كارتالاردىڭ جاپپاي تارالۋ كەزەڭى بولعان جوق. ادامدار بىردەن ەلەكتروندى تولەم قۇرالدارىنا كوشتى.
ال بىزدە قالاي؟ قازىرگى تاڭدا ەلىمىزدەگى بىرقاتار قالالاردا بۇرمالانۋ دەرەكتەرى كەزدەسەتىن كارتالاردىڭ بار ەكەندىگى انىقتالىپ وتىر. ءبىز اتالعان جاڭاشىلدىقتى بۇكىل ەلىمىزدە ەنگىزۋ ءۇشىن سمارتفون مەن ينتەرنەت قولجەتىمدى بولۋى كەرەك. الايدا بۇگىنگى كۇنى قازاقستاننىڭ بارلىق اۋىلدىق ەلدى مەكەندەرى 100 پايىز ينتەرنەتپەن قامتىلماعان.ايتا كەتۋ كەرەك، قازىر قازاقستاندىقتاردىڭ اراسىندا مۇنداي جاڭاشىلدىقتى كاسپي، حالىق، ت.ب. بانكتەردىڭ تۇتىنۋشىلارى ەش قيىندىقسىز پايدالانۋدا. ياعني، كەز كەلگەن ادام قوسىمشاداعى QR-كود ارقىلى تولەم جاساي الادى.
جالپى قازىرگى ۋاقىتتا بانكتەر كليەنتتەرگە تولىققاندى قارجى سەرۆيسىن ۇسىنادى. بانك قوسىمشاسى نەمەسە جەكە كابينەت ارقىلى قىزمەتتەرگە اقى تولەۋگە نەمەسە اۋدارىم جاساۋعا بولادى. بانك كارتاسىنان جالاقى الۋعا، دوستار مەن تۋىستارعا اۋدارىمدار جاساۋعا، سونداي-اق ونلاين قارىزدار الۋعا بولادى.قىسقاسى، بۇگىنگى كۇنى ءبىزدىڭ ەلىمىزدە ەلەكتروندى ءاميانداردان گورى پلاستيكالىق كارتالار "حيت" بولىپ تۇر. ال ماماندار ازىرگە كارتالاردى قولدانىستان الىپ تاستاۋ مۇمكىن ەمەستىگىن ايتادى.
