شىمكەنت قالاسىنىڭ اكىمى مۇرات ايتەنوۆ «ىنتىماق» شاعىناۋدانى №54 مەكتەپتە وتكەن پرەزيدەنت جولداۋىن ناسيحاتتاۋ بويىنشا اباي اۋدانىنىڭ اكتيۆ ماجىلىسىنە قاتىستى.
مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن تالقىلاۋ ءىس-شاراسىندا زيالى قاۋىم وكىلدەرى مەن ارداگەرلەر، ءماسليحات دەپۋتاتتارى، ازاماتتىق قوعام وكىلدەرى، قۇقىق قورعاۋ ورگاندارىنىڭ باسشىلارى، جاستار جانە بۇقارالىق اقپارات قۇرالدارىنىڭ وكىلدەرى باس قوستى.
جيىندا م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ پرورەكتورى، دوتسەنت ساكەن ماجىنبەكوۆ جولداۋدىڭ نەگىزگى باعىتتارى بويىنشا بايانداما جاسادى.
سونىمەن قاتار، «شىمكەنت قۇس» جشس باس ديرەكتورى ابىلقاسىم دوسبولوۆ، اۋداندىق ارداگەرلەر كەڭەسىنىڭ توراعاسى ۇلىقپان باشەنوۆ، №54 جالپى ورتا مەكتەپتىڭ ديرەكتورى ۋعلان مامەشوۆا دا ءوز ويلارىن ورتاعا سالدى.
قالا اكىمى جولداۋ ماڭىزدى مىندەتتەر جۇكتەگەنىن، ونى ىسكە اسىرۋدا جۇمىلا ارەكەت ەتۋ كەرەك ەكەنىن اتاپ ءوتتى.
– جولداۋدا ايتىلعان 7 باعىتتى قالا كولەمىندە جۇزەگە اسىرۋ بويىنشا ناقتى شارالار قابىلدانادى. پرەزيدەنت ەكونوميكانى ءارتاراپتاندىرۋدى مىندەتتەدى. وسىعان بايلانىستى قالا ەكونوميكاسىن دامىتۋ ماقساتىندا كاسىپكەرلىكتى قولداۋعا 7 ملرد تەڭگە باعىتتالىپ، 2250 بيزنەس وكىلىنە قولداۋ كورسەتىلەتىن بولادى. «بيزنەستىڭ جول كارتاسى» بويىنشا 1 مىڭ جوبا قامتىلادى. شەتەلدىك ينۆەستورلاردىڭ قاتىسۋىمەن كەمىندە 15 جوبا ىسكە اسادى، 2 مىڭ ادام جۇمىسپەن قامتىلادى. قۇجاتتا ءبىلىم ساپاسىن ارتتىرۋ جونىندە ناقتى تالاپتار قويىلىپ، ۇستازداردى قولداۋ ساياساتى جالعاساتىنى ايتىلدى. شىمكەنت قالاسىنداعى مەكتەپتەردە 19 مىڭنان استام پەداگوگ جۇمىس ىستەسە، ولاردىڭ جالاقىسى 2022 جىلى تاعى 25 پايىزعا ۇلعايادى. وقۋشىلاردىڭ قوسىمشا بىلىممەن قامتىلۋ كورسەتكىشىن 80 پايىزعا جەتكىزۋ كوزدەلگەن، – دەدى قالا اكىمى.
سونداي-اق، شاھار باسشىسى تۇرعىنداردىڭ جايلى ءومىر سۇرۋىنە جاعداي جاساۋ ماقساتىندا اباي اۋدانىندا اتقارىلعان جۇمىستاردان حاباردار ەتتى.
ماسەلەن، بيىل اۋىز سۋ بويىنشا 7 ەلدىمەكەندە قۇرىلىس جۇمىستارى باستالدى. ونىڭ ىشىندە 5 جوبا جىل سوڭىنا دەيىن اياقتالادى.
«قۇرساي» شاعىناۋدانىنداعى اۋىز سۋ جۇيەسى 2022 جىلى پايدالانۋعا بەرىلەدى. «سامال-1»، «سامال-2» شاعىناۋداندارىندا كارىز جۇيەسى قۇرىلىسى جۇرگىزىلۋدە.
ەلەكتر قۋاتىنىڭ ساپاسىن ارتتىرۋ بويىنشا 5 نىساننىڭ قۇرىلىسى باستالدى. بۇل جۇمىستار بيىل اياقتالادى.
"ادىرنا" ۇلتتىق پورتالى
