Şymkent qalasynyŋ äkımı Mūrat Äitenov «Yntymaq» şaǧynaudany №54 mektepte ötken Prezident Joldauyn nasihattau boiynşa Abai audanynyŋ aktiv mäjılısıne qatysty.
Memleket basşysynyŋ «Halyq bırlıgı jäne jüielı reformalar – el örkendeuınıŋ berık negızı» atty Qazaqstan halqyna Joldauyn talqylau ıs-şarasynda ziialy qauym ökılderı men ardagerler, mäslihat deputattary, azamattyq qoǧam ökılderı, qūqyq qorǧau organdarynyŋ basşylary, jastar jäne būqaralyq aqparat qūraldarynyŋ ökılderı bas qosty.
Jiynda M.Äuezov atyndaǧy Oŋtüstık Qazaqstan Universitetınıŋ prorektory, dosent Säken Mäjınbekov Joldaudyŋ negızgı baǧyttary boiynşa baiandama jasady.
Sonymen qatar, «Şymkent qūs» JŞS bas direktory Äbılqasym Dosbolov, audandyq ardagerler keŋesınıŋ töraǧasy Ūlyqpan Başenov, №54 jalpy orta mekteptıŋ direktory Uǧlan Mameşova da öz oilaryn ortaǧa saldy.
Qala äkımı Joldau maŋyzdy mındetter jüktegenın, ony ıske asyruda jūmyla äreket etu kerek ekenın atap öttı.
– Joldauda aitylǧan 7 baǧytty qala kölemınde jüzege asyru boiynşa naqty şaralar qabyldanady. Prezident ekonomikany ärtaraptandyrudy mındettedı. Osyǧan bailanysty qala ekonomikasyn damytu maqsatynda käsıpkerlıktı qoldauǧa 7 mlrd teŋge baǧyttalyp, 2250 biznes ökılıne qoldau körsetıletın bolady. «Biznestıŋ jol kartasy» boiynşa 1 myŋ joba qamtylady. Şeteldık investorlardyŋ qatysuymen kemınde 15 joba ıske asady, 2 myŋ adam jūmyspen qamtylady. Qūjatta bılım sapasyn arttyru jönınde naqty talaptar qoiylyp, ūstazdardy qoldau saiasaty jalǧasatyny aityldy. Şymkent qalasyndaǧy mektepterde 19 myŋnan astam pedagog jūmys ıstese, olardyŋ jalaqysy 2022 jyly taǧy 25 paiyzǧa ūlǧaiady. Oquşylardyŋ qosymşa bılımmen qamtylu körsetkışın 80 paiyzǧa jetkızu közdelgen, – dedı qala äkımı.Sondai-aq, şahar basşysy tūrǧyndardyŋ jaily ömır süruıne jaǧdai jasau maqsatynda Abai audanynda atqarylǧan jūmystardan habardar ettı. Mäselen, biyl auyz su boiynşa 7 eldımekende qūrylys jūmystary bastaldy. Onyŋ ışınde 5 joba jyl soŋyna deiın aiaqtalady. «Qūrsai» şaǧynaudanyndaǧy auyz su jüiesı 2022 jyly paidalanuǧa berıledı. «Samal-1», «Samal-2» şaǧynaudandarynda kärız jüiesı qūrylysy jürgızılude. Elektr quatynyŋ sapasyn arttyru boiynşa 5 nysannyŋ qūrylysy bastaldy. Būl jūmystar biyl aiaqtalady.
"Adyrna" ūlttyq portaly
