قىركۇيەك ايىندا شىمكەنت قالاسىنداعى بارلىق ورتا ءبىلىم بەرەتىن مەكەمەلەردە تاۋەلسىزدىكتىڭ 30 جىلدىعىنا وراي «تاۋەلسىزدىك جەتىستىگى» تاقىرىبىندا سىنىپ ساعاتتارى مەن اشىق ساباقتار وتكىزىلەتىن بولادى.
جاس ۇرپاققا تاۋەلسىزدىكتىڭ سىرلى تاريحى مەن قاسيەتىن تۇسىندىرەتىن جوبا اياسىنداعى العاشقى تاربيە ساعاتى جالپى ءبىلىم بەرەتىن №137 ورتا مەكتەپتە باستاۋ الدى.
اشىق ساباقتا 30 جىل ىشىندە جەتكەن جەتىستىكتەر مەن ەلىمىزدىڭ ساياسي-الەۋمەتتىك جاعدايى، مادەني-رۋحاني قۇندىلىقتار سونداي-اق تاريح، ءبىلىم تۋراسىندا ءسوز ەتىلدى. كەزدەسۋگە ارداگەر ۇستاز نىشانبەك بايعۇتوۆ، «شىمكەنت قالاسىنىڭ ايەلدەر كەڭەسى» قوعامدىق بىرلەستىگىنىڭ ءتورايىمى بايان جاندوسوۆا، قالالىق وقۋ-ادىستەمەلىك ورتالىعىنىڭ ديرەكتورى مەرۋەرت اسقاربەكقىزى قاتىستى.
اتاۋلى ءىس-شارانىڭ ماقساتى – تاۋەلسىزدىكتىڭ 30 جىلدىق مەرەيتويىنىڭ ماڭىزدىلىعىن، ەگەمەن ەلدىڭ قالىپتاسۋ مەن دامۋ جولدارىن ۇرپاق ساناسىنا ءسىڭىرۋ.
ايتا كەتەيىك، اشىق ساباققا تەك مۇعالىمدەر مەن وقۋشىلار عانا ەمەس، قالانىڭ دامۋىنا ۇلەس قوسقان زيالى قاۋىم وكىلدەرى دە قاتىساتىن بولادى.
گۇلدانا داۋرەن
