Qyrküiek aiynda Şymkent qalasyndaǧy barlyq orta bılım beretın mekemelerde Täuelsızdıktıŋ 30 jyldyǧyna orai «Täuelsızdık jetıstıgı» taqyrybynda synyp saǧattary men aşyq sabaqtar ötkızıletın bolady.
Jas ūrpaqqa täuelsızdıktıŋ syrly tarihy men qasietın tüsındıretın joba aiasyndaǧy alǧaşqy tärbie saǧaty jalpy bılım beretın №137 orta mektepte bastau aldy.
Aşyq sabaqta 30 jyl ışınde jetken jetıstıkter men elımızdıŋ saiasi-äleumettık jaǧdaiy, mädeni-ruhani qūndylyqtar sondai-aq tarih, bılım turasynda söz etıldı. Kezdesuge ardager ūstaz Nyşanbek Baiǧūtov, «Şymkent qalasynyŋ äielder keŋesı» qoǧamdyq bırlestıgınıŋ töraiymy Baian Jandosova, qalalyq oqu-ädıstemelık ortalyǧynyŋ direktory Meruert Asqarbekqyzy qatysty.
Atauly ıs-şaranyŋ maqsaty – Täuelsızdıktıŋ 30 jyldyq mereitoiynyŋ maŋyzdylyǧyn, egemen eldıŋ qalyptasu men damu joldaryn ūrpaq sanasyna sıŋıru.
Aita keteiık, aşyq sabaqqa tek mūǧalımder men oquşylar ǧana emes, qalanyŋ damuyna üles qosqan ziialy qauym ökılderı de qatysatyn bolady.
Güldana Däuren
