ءدىن وكىلدەرى شاحماتتان سايىسقا ءتۇستى

شىمكەنتتە ءدىني كونفەسسيا وكىلدەرى اراسىنداعى سپارتاكيادا جالعاسۋدا. سپورت سايىستارىنان كەيىنگى كەزەك شاحماتقا كەلدى. قاجىمۇقان اتىنداعى ورتالىق ستاديونداعى كەشەندە ينتەللەكتۋال باسەكەسى ءوتتى. بۇگىنگى سايىسقا 16 قاتىسۋشى جينالدى. – ءدىن وكىلدەرى ەكى اپتادان استام ۋاقىتتان بەرى ءتۇرلى سپورت سايىستارىنا قاتىسىپ، بەلسەندىلىك كورسەتىپ كەلەدى. بۇل - جىلداعى ءداستۇر. كۇنى كەشە ۇستەل تەننيسىنەن مىقتىلار انىقتالسا، بۇگىن شاحمات شەبەرلەرى بەلگىلى بولادى. ال سپارتاكيادانىڭ مىقتىلارى 15 قازان كۇنى وتەتىن سالتاناتتى راسىمدە ماراپاتتالادى، – دەدى شىمكەنت قالاسىنىڭ ءدىن ىستەرى باسقارماسىنىڭ قىزمەتكەرى عالىمجان سارمانوۆ. ايتا كەتەيىك، ءدىن وكىلدەرى اراسىنداعى سپارتاكيادا قازاقستان رەسپۋبليكاسى تاۋەلسىزدىگىنىڭ 30 جىلدىعى مەن 18 قازان – رۋحاني كەلىسىم كۇنىنە ورايلاستىرىپ وتكىزىلۋدە. مۇنداعى ماقسات – تۇرعىندار اراسىنداعى تاتۋلىق پەن كەلىسىمدى نىعايتۋ، بۇقارالىق سپورتتى ناسيحاتتاۋ، سالاۋاتتى ءومىر سالتىن راسىمدەۋ. ءبىر ايلىق باسەكە 15 قازان كۇنى اياقتالادى.