رەسپۋبليكالىق ادۆوكاتتار القاسىنا بۇگىنگى كۇنگە دەيىن باسشى سايلانعان جوق. ۇستىمىزدەگى جىلدىڭ 26 –شى قاراشاسىندا ەلىمىزدىڭ باس ادۆوكاتتىعىنا سايلاۋ وتپەك.
بۇگىنگى تاڭدا رەسپۋبليكالىق ادۆوكاتتار القاسىنىڭ توراعالىعىنا كانديدات رەتىندە 5 ۇمىتكەر تىركەلدى.
ولار:
1.ايدىن بيكەباەۆ
2.ەسبەرگەن الاۋحانوۆ
3.ايمان ۋماروۆا
5.مەيرام شايمەردەنوۆ
7.اسەل توقاەۆا.
ءبىر ەلدىڭ قۇقىق سالاسىندا ويىپ الار ورنى بار قازاقستاندىق ادۆوكاتۋرانى قازىرگى تاڭداعى تىعىرىقتان كىم الىپ شىعادى، مۇنداي ۇلكەن جاۋاپكەرشىلىكتى سەنىپ تاپسىرۋ ءۇشىن كانديداتتىڭ بويىندا قانداي قاسيەتتەر بولۋ كەرەك؟
“ەلىمىزدىڭ ادۆوكاتۋراسىن جاڭا بەلەسكە كوتەرۋ ءۇشىن ءبىرىنشى باسشىنىڭ بويىندا تەرەڭ ءبىلىم، بىلىكتىلىك، تاجىريبە، پرينتسيپشىلدىك، جاڭاشىلدىق، سونىمەن قاتار، زاڭ شىعارۋشى، اتقارۋشى، قۇقىق سالاسىنداعى بارلىق ورگاندارعا ءوز كوزقاراسىن ساۋاتتى، ءارى مادەنيەتتى تۇردە جەتكىزە الاتىن، ولارمەن تەڭ دارەجەدە ءسوز تالاستىرا الاتىن، سالاعا شىن جانى اشيتىن، ىشكى، سىرتقى پروبلەمالاردى اقىلمەن شەشە الاتىن پاراسات-پايىم، ادامي قاسيەت بولۋ كەرەك”-دەپ پىكىر ايتىپتى ادۆوكاتتار قاۋىمداستىعىنىڭ وكىلدەرى.
جوعارىدا اتاپ وتكەن كوشباسشىلىق قاسيەتتەر قاي كانديداتتىڭ بويىندا باسىمىراق دەپ زەرتتەۋ جۇرگىزدىك. جەلىلەردە جارىق كورىپ جاتقان ادۆوكاتتاردىڭ پىكىرىنە دە نازار اۋداردىق. سايلاۋالدى باعدارلامالارىن زەردەلەدىك.
نازارىمىزدى اۋدارعان كانديداتتاردىڭ ءبىرى ءارى بىرەگەيى – ايدىن بيكەباەۆ بولدى.
«شىن مانىندە ءوز ماماندىعىنىڭ يەسى، ءوز ءىسىنىڭ مامانى، بىلىكتىلىگى دە، ءبىلىمى دە، تاجىريبەسى مەن اقىل-پاراساتى جەتكىلىكتى ازامات» - دەپ باعا بەرىپتى كوپتەگەن ادۆوكاتتىق قاۋىمداستىقتىڭ وكىلدەرى.
ايدىن جولشىۇلى قازىرگى تاڭدا جوعارعى سوت كەڭەسىنىڭ سۋديالىققا ۇمىتكەرلەردى ىرىكتەيتىن بىلىكتىلىك كوميسسياسىنىڭ توراعاسى. بۇعان دەيىن بۇل كوميسسيانىڭ توراعالارى وبلىستىق سوتتاردىڭ توراعالارى، جوعارعى سوتتىڭ سۋديالارى بولىپ كەلگەن.
تاريحتا ءبىرىنشى رەت سۋديالىققا قانديداتتاردىڭ بىلىكتىلىگىن تەكسەرەتىن كوميسسيا توراعالىعى ادۆوكاتقا سەنىپ تاپسىرىلدى.
مۇنىڭ ءوزى كانديداتتىڭ بىلىكتىلىك دەڭگەيىنىڭ كورسەتكىشى بولسا كەرەك.
2002 جىلدان باستاپ، الماتى قالالىق ادۆوكاتتار القاسىنىڭ مۇشەسى جانە «سايات جولشى جانە سەرىكتەستەر» ادۆوكاتتىق كەڭسەسىنىڭ باسقارۋشى سەرىكتەسى بولعان.
ا.بيكەباەۆ “الماتى ادۆوكاتتارى» جۋرنالىن شىعارۋعا باستاماشى، ونىڭ رەداكتورى جانە دەمەۋشىسى.
ايدىن مىرزا قۇرعان ادۆوكاتتىق كەڭسەمىز سەنىمدى جانە كاسىبي سەرىكتەس رەتىندە The Legal 500, Chambers Global, Asia Law, IFLR ادۆوكاتتىق كونتورالارىنىڭ بارلىق بەدەلدى حالىقارالىق رەيتينگتەرىنە كىرەدى.
بۇل ادۆوكاتتىق كەڭسە كوپتەگەن پراكتيكالار بويىنشا قازاقستاندىق ءىرى زاڭ فيرمالارىمەن عانا ەمەس، حالىقارالىق ادۆوكاتتىق فيرمالارمەن دە تابىستى باسەكەلەسەتىن كەڭسە رەتىندە سانالادى.
كوپتەگەن جىلدار بويى ا.بيكەباەۆ حالىقارالىق «Who’s who legal» باسپاسىنان قازاقستان رەسپۋبليكاسىنىڭ باسەكەلەستىك (مونوپولياعا قارسى) قۇقىق سالاسىنداعى ساراپشى رەتىندە ۇسىنىلعان جالعىز مامان بولدى.
نازارىمىزدى اۋدارعان ۇمىتكەر
جىل سايىن «سايات جولشى جانە سەرىكتەستەر» ادۆوكاتتارى شىعاراتىن «قازاقستاندا بيزنەس جۇرگىزۋدىڭ قۇقىقتىق نەگىزدەرى» اتتى كىتاپ-انىقتاماسىنىڭ رەداكتورى جانە وزەكتى قۇقىقتىق ماسەلەلەر بويىنشا 70-تەن استام عىلىمي جانە پۋبليتسيستيكالىق ماقالالاردىڭ اۆتورى ەكەن.
نە دە بولسا، رەسپۋبليكالىق ادۆوكاتتار القاسىنىڭ باسشىلىعىنا بىلىگى مەن ءبىلىمى ساي، ادۆوكاتۋرا ينستيتۋتىن الەمدىك دەڭگەيگە ساي جاڭا بەلەسكە كوتەرەتىن ءوز ءىسىنىڭ مامانى كەلسە دەگەن تىلەگىمىز بار.
ءسابيت رىسباەۆ
