«ايتىسكەرلەر – جۋرناليستيكادان پلاگيات جاسايتىن جەڭىل كاسىپ يەلەرى» - قاسىم امانجول

6517

بەلگىلى جۋرناليست قاسىم امانجول ايتىسكەر اقىنداردى «ەلدىڭ كوڭىلىن كوتەرۋگە ارنالعان ادامدار» دەپ ەسەپتەيدى. بۇل تۋرالى ول Qasqa Jol Youtube ارناسىندا اباي سەيفۋللاعا بەرگەن سۇحباتىندا ايتتى، دەپ حابارلايدى "ادىرنا" ۇلتتىق پورتالىنىڭ ءتىلشىسى.

- ايتىسكەر قاۋىمى – اسابانىڭ ار-جاق بەر جاعىنداعى قاۋىم عوي. ولار دا سول ەلدىڭ كوڭىلىنەن شىعاتىن نارسەلەردى ايتۋعا تىرىسادى. جالپى جەڭىل شوۋ جانرىنداعى ارتىستەر سوندايمەن اينالىسادى. حالىقتىڭ كوڭىلىنەن شىعۋعا تىرىسىپ، ءتۇرلى باعىتتارىن تاڭداپ الادى. ءوز باسىم ايتىس كورمەيمىن، ايتىستاعى لوزۋنگتار، پوزيتسيالار كۇلكى شاقىرادى،- دەدى قاسىم امانجول.

ونىڭ ويىنشا، ايتىسكەر اقىنداردىڭ ايتقاندارىن جۋرناليستيكاداعى كوتەرىلەتىن ماسەلەلەردىڭ سالماعىمەن سالىستىرۋعا بولمايدى.

- ەشقاشان جۋرناليستپەن ايتىسكەردى قاتار قويمايمىن. سەبەبى ايتىسكەر سول جەردە تۇرعان جۇلدە ەمەس جانىن سالىپ، ءتىپتى ءجۋرناليستىڭ كوتەرىپ وتىرعان ماسەلەسىن پلاگيات جاساۋمەن اينالىسادى. الدىن الا «زاگوتوۆكا» جاساعاندا «جاس الاشتان» پروبلەمالاردى تەرىپ الادى. ايتىسكەر دەگەن جەڭىل قاۋىم، ەلدىڭ كوڭىلىن كوتەرۋگە ارنالعان ادامدار. بىراق ولاردى ەشقاشان تەرەڭ كاسىپ يەلەرى دەپ ايتا المايمىن. ولار ءسويتىپ ءومىر سۇرەدى، حالىقتىڭ ىقىلاسىنا بولەنەدى، ەت جەيدى، باس ءمۇجيدى، تۇردە وتىرادى. جۇرە بەرسىن سولا، - دەپ پىكىر ءبىلدىردى جۋرناليست.

باعدارلاما جۇرگىزۋشىسى سۇحبات بارىسىندا ق. امانجولعا ايتىسكەر رينات زايتوۆتىڭ ساياساتقا بارۋى تۋرالى ايتقان ەدى.

- ءيا، سولاي جىلتىڭ-جىلتىڭ ەتەدى دە ارتىنان وزدەرىنىڭ كىم ەكەنى بەلگىلى بولىپ، ماسقاراعا ۇشىراپ جاتادى. قىزىعى – ولار قايتادان ءوز قاۋىمىن تاۋىپ الىپ، ۇلدە مەن بۇلدەگە ورانىپ جۇرە بەرەدى. مەن بۇلاردى باقسى-قۇشناش دەيمىن. باقسى-قۇشناش بۇگىن بىلاي سايراسا، ەرتەڭ باسقاشا سايراپ جۇرەدى. قازاقستان سياقتى بالاڭ مەملەكەتتەردە مۇنداي ادامدار سۇيكىمدى بولا بەرەدى،- دەيدى جۋرناليست.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket