بۇگىن كەشكە «شىمقالا» تاريحي-مادەني كەشەنىنىڭ ۇيىمداستىرۋىمەن قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ «ۇلى دالانىڭ جەتى قىرى» باعدارلامالىق ماقالاسى اياسىندا «بابالار جولىمەن» تاقىرىبىندا مادەني ءىس-شارا وتەدى.
ەلباسى ءوز ماقالاسىندا ۇلى دالانىڭ وتكەن تاريحىن جاڭعىرتۋ جانە ساقتاۋدىڭ بىرەگەي تۇجىرىمداماسىن ۇلت قۇندىلىعى رەتىندە ۇسىنعان بولاتىن. ماقالانىڭ نەگىزگى ماقساتى وتكەندى زەرتتەپ، زەردەلەۋ. ۇلتتىق تاريحي جادىگەرلەردى الەمدىك دەڭگەيگە شىعارىپ، برەندكە اينالدىرۋ. وسى قاعيدانى ۇستانعان «بابالار جولىمەن» اتتى مادەني ءىس-شارا دا قاتىسۋشىلار ارنايى ازىرلەنگەن دانالىق سوزدەردى وقي وتىرىپ، بابالار بەينەسىندەگى كەيىپكەرلەرمەن تانىسا الادى. سونىمەن قاتار، «شىم قالا» تاريحي-مادەني كەشەنىندەگى «شاحريستان»، «شىعىس بازارى»، «حاۋىز»، «جىبەك جولى كەرۋەنى» جانە «تسيتادەل» مۋزەيىنە ساياحات جاسايدى.
ۇيىمداستىرۋشىلاردىڭ ايتۋىنشا باعدارلاما اياسىندا ۇلتتىق ناقىشپەن بەزەندىرىلگەن ساكى ۇستىندە شىمكەنت قالاسىنىڭ پانورامالىق كورىنىسىمەن ءفوتوتۇسىرىلىم دە جاسالادى. سونداي-اق، كەلۋشىلەر LED ەكراننان تاۋەلسىزدىك تۋرالى جانە «شىمقالا» تاريحي-مادەني كەشەنى تۋرالى شاعىن بەينەروليك پەن «ءال-فارابي» انيماتسيالىق بەينەفيلىمىن تاماشالايدى.
تاعىلىمى مول ءىس-شارانى وتكىزۋدىڭ ماقساتى جاستارعا قازاق تاريحىنان ماعلۇمات بەرە وتىرىپ، ولاردىڭ تانىم كوكجيەگىن كەڭەيتۋ. سونىمەن قاتار، جاڭا قازاقستاندىق پاتريوتيزمگە باۋلۋ. مادەني باعدارلاما «شىمقالا» تاريحي-مادەني كەشەنىندە وتەدى.
