20 قاراشاعا قاراعان ءتۇنى لەنينگراد وبلىسىنىڭ ۆسەۆولوجسك اۋدانىندا بولعان جول اپاتى كەزىندە ادامنىڭ ءمايىتى ءتۇسىپ قالعان، دەپ حابارلايدى "ادىرنا" ۇلتتىق پورتالى "78.ru" باسىلىمىنا سىلتەمە جاساپ.
قۇقىق قورعاۋ ورگاندارىنىڭ مالىمەتىنشە، "سورتاۆالا" تاس جولىنىڭ 25-ءشى شاقىرىمىندا شامامەن 4:10-دا Mitsubishi Galant جولداعى قورشاۋعا سوعىلادى. وسى كەزدە كولىكتىڭ ارتىنداعى جۇكسالعىشتان مويىن جاراقاتى بار ەر ادامنىڭ دەنەسى ءتۇسىپ قالادى.
جول اپاتىنان كەيىن بىرنەشە ادام كولىكتەن ءتۇسىپ، ورمانعا تىعىلعان. بولجام بويىنشا، ولار ءمايىتتى كومۋگە اپارا جاتقان.
كولىك يەسى ورىنبور وبلىسىنىڭ 57 جاستاعى تۇرعىنى ەكەنى انىقتالدى.
وقيعا فاكتىسى بويىنشا قىلمىستىق ءىس قوزعالدى. قۇقىق قورعاۋ ورگاندارى بولعان وقيعانى ەگجەي-تەگجەيلى تەرگەپ جاتىر.
"ادىرنا" ۇلتتىق پورتالى.
